Mateo 12:44 - AHYERƐLƐ KRONGRON

⁴⁴ Na afei ɔkã kyɛ, ‘Ngosa ngɔhɔ me sua bɔ mvili nu mmale ne anu.’ Na ɔba a, ɔbato ye kyɛ ɔla berɛ too, bɔ bapoapoa nu, ná basiesie nu ɔ.

Mateo 12:44 Iomraidhean Croise

Hosea 7:6

Ofikyɛ basiesie b’ahone kyɛ foonoo, wɔ nnakannaka atee so, b’ahone kɔ so hu kɔngɔen amukoraa, na ngyerɛmɔ ɔsɔ kyɛ see bɔ ógye ɔ.

Mateo 12:29

“Anaakyɛ, ɔkɔyɛ sɛɛ né ebie ahora ahɔ katakyie bie awuro waafẽ ye nningyein wahɔ, sana odi moa ɔfa nyamaa kyekye katakyie ne koraka, ná afei wahora wafẽ ye awuro nningyein ne.

Mateo 12:43

“Sɛ sunzummɔne tu fi sona nu a, okokyinikyini aseɛ katerepee mɔ so pena nekaa bɔ okole ye nwome ɔ, na onnya bie.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Luka 11:25

Na ɔba a, ɔbanwu ye kyɛ bapoapoa nu ná basiesie berɛ ɔ.

Yohane 12:6

Nna kyɛ ɔdwene ehiafoɛ nwo ti yeɛ ɔmaa ɔhane sɔ ɔ; na mmom ɔte awueniɛ ti ɔ. Ye yeɛ né otira sikaabɔtɔ ne ɔ, na né owua bɔ bɛfa begua nu ne ati ɔ.

Yohane 13:2

Na nɔsoa bɔ bɛbaadidi nen, né abɔnzam anya afa awura Yudase Yiskariote, Simɔn awa ne, ye ti anu kyɛ ɔye Yesu ma.

Yohane 13:27

Na olele paanoo sii ne nen, yeɛ Abɔnzam oowurale ye nu ɔ. Yeɛ Yesu sele ye kyɛ, “Bɔ ɛbaayɔ ne, yɔ ye ndɛ!”

1 Korintofoɛ 11:19

Yoo, ye nwo kohia kyɛ fekue fekue kɔwa ɛmɔ nu ɔ, na ɛhe kɔma ɛmɔ nu mmenia bɔ bɛnate nahorɛ atee so ne, bɛ nwo kɔla nzorɛ.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.