Mateo 12:41 - AHYERƐLƐ KRONGRON

⁴¹ Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Mateo 12:41 Iomraidhean Croise

Yesaya 54:17

Akodeɛ biala bɔ babɔ bafa batia wɔ ne, ɔngɔyɛ adwuma, yeɛ noa biala bɔ okodwɔso kotia wɔ wɔ ndɛenbualɛ nu ne, ɛkɔsa wɔ nwo maa okoli fɔ. AWURADE somvoɛ mɔ, b’agyapadeɛ ne bɛ tenenee bɔ ofi me berɛ hɔ ɛne, AWURADE noa dwirɛ ɛne.”

Yeremia 3:11

Yeɛ AWURADE sele me kyɛ, “Asoserɛniɛ Yisrael wahyire kyɛ ɔtengyɛ tra ngondomboniɛ Yuda.

Yona 1:2

“Dwɔso kɔ Ninewe, sɔ kuro piri ne aso, ná bɔ ye dawure kyire bɛ kyɛ b’amumuyɛɛ wafo waadwu me nyunu.”

Yona 3:4

Yona hyɛle ye bo owurale kuro ne anu, ɔnatele ɛlɛho, na ɔteane nu sele kyɛ, “Waha eleburanna né Ninewe abɔ oo!”

Mateo 12:39

Na obuale bɛ kyɛ, “Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana ngɔmhyɛlɛniɛ Yona deɛ ne ala.

Mateo 12:42

Ngwaen dɔ hemmaa ne, ɔne ɛnɛmmafoɛ bekodwɔso wɔ ndɛenbualɛ ne anu, na ɔkɔbɔ bɛ kwaadu, ofikyɛ ofili aseɛ noa dɔ paa wale ootiele Solomon nworɛ dwirɛ; na tie, bɔ odi mu tra Solomon wɔ wa!

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 12:6

Na mekã mekyire ɛmɔ kyɛ, bɔ odi mu tra asɔneyɛɛ sua ne wɔ wa.

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Mateo 17:17

Na Yesu buale kyɛ, “O ɛnɛmmafoɛ asoserɛfoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me wa!”

Mateo 23:36

Nahorɛ nu, mekã mekyire ɛmɔ kyɛ, ɛhemɔ amukoraa nwo asotwe kɔwa ɛnɛmmafoɛ so!

Luka 11:32

Ninewefoɛ ne ɛnɛmmafoɛ bekodwɔso wɔ ndɛenbualɛ ne anu, na bɛkɔbɔ bɛ kwaadu, ofikyɛ Ninewefoɛ tele Yona nzɛmba nen, bɛsakyerale b’adwene; na tie, bɔ odi mu tra Yona wɔ wa!

Yohane 3:31

Bɔ ofi nyameɛso ba ne, odi mu tra mmenia mukoraa. Bɔ ofi aseɛ so ne, ɔte aseɛ so deɛ, na aseɛ so dwirɛ yeɛ ɔkã ɔ; na bɔ ofi nyameɛso ba ne, odi mu tra mmenia mukoraa.

Yohane 4:12

Yɛ nana Yakob bɔ ɔmane yɛ abura he, bɔ ye bɔbɔ ɔnone nu nzue ne bie, bɔ ye mma ne ye nyɛmmoa koso bɛnone bie ne, aso edi mu tra ye anaa?”

Romanfoɛ 2:27

Nzaade bɛmbɛ-bɛ-bienzuafoɛ bɔ bedi mmeraa ne aso ne, bekobua ɛmɔ bienzuapɛlɛfoɛ bɔ ɛmɔse mmeraa ne ná koso ɛmɔbu mmeraa ne aso ne ndɛen.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.