Mateo 12:39 - AHYERƐLƐ KRONGRON

³⁹ Na obuale bɛ kyɛ, “Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana ngɔmhyɛlɛniɛ Yona deɛ ne ala.

Mateo 12:39 Iomraidhean Croise

2 Ahemvo 14:25

Ɔhone koɛ osa lele Yisrael aseɛ bɔ ye wɛen fi Lebo Hamate kɔpem Araba Ɛpo ne, kyɛbɔ AWURADE Yisrael Nyameɛ dwirɛ bɔ ɔnate ye somvoɛ ngɔmhyɛlɛniɛ Yona so hane ne, ɔte ne ala. Yona fi Gate Hefa, na ye baba ole Amitae.

Yesaya 57:3

Nakoso ɛmɔ de, bayifoɛ brasua mma, ɛ́mɔpingye wa, agyaasɛkyelɛniɛ ne gyanderaniɛ bosofoɛ.

Yona 1:1

Na AWURADE lale ye dwirɛ ali hyirele Amitae awa Yona kyɛ,

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Marko 8:12

Yeɛ oguale anwongokoɔ wɔ ye sunzum nu, na osele kyɛ, “Nzu ati yeɛ ɛnɛmmafoɛ bɛpena sɛngyerɛnneɛ ye? Nahorɛ nu, mekã mekyire ɛmɔ kyɛ, bɛngɔma ɛnɛmmafoɛ nzɛngyerɛnneɛ biala.”

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.