Mateo 12:31 - AHYERƐLƐ KRONGRON

³¹ Ɛhe ati yeɛ mekã mekyire ɛmɔ kyɛ, bɛkɔfa bɔne ne musue dwirɛ amukoraa bɛkɔhyɛ mmenia, nakoso musue dwirɛ bɔ otia Sunzum ne de, bɛngɔfa ngɔhyɛ mmenia.

Mateo 12:31 Iomraidhean Croise

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Lewitikɔso 24:16

Ebiala bɔ ɔkɔha musue dwirɛ kotia AWURADE dumaa ne, odi kyɛ beku ye ɔ; sona bɔ ɔkɔha musue dwirɛ ne, odi kyɛ maen ne amukoraa bɛboro ye nyɔboɛ beku ye. Ɛwɔfoɛ oo, kuromani oo, sɛ bɛ nu biala ka musue dwirɛ tia Nyameɛ Dumaa a, odi kyɛ beku ye ɔ.

Luka 12:10

“Ebiala bɔ okodwudwo kotia Sona Awa ne, bɛkɔfa bɛkɔhyɛ ye; nakoso bɔ ɔkɔhã musue dwirɛ kotia Sunzum Krongron ne de, bɛngɔfa ngɔhyɛ ye.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Hebrifoɛ 10:29

Sɛ ɔte sɔ de a, nzaade sona bɔ okobu Nyameɛ Awa ne animtia, ná wabu apam mogya bɔ bafa bate ye nwo ne kyɛ ye nwo nde, ná wafa adom Sunzum ne nyunu watwitwi ase ne, nzikyɛ asohwenɛ yeɛ ɛmɔsusu kyɛ ɔfata ye ɔ?

Hebrifoɛ 6:4

Na ɔngɔhora ngɔwa kyɛ bɛ bɔ mmerɛ bie bɛwale kanea ne anu, bɔ benyane nyameɛso akyɛdeɛ ne, bɔ bɛ sa hane Sunzum Krongron ne bie,

1 Yohane 1:9

Nakoso ɔnate kyɛ odi nahorɛ ná ɔtengyɛ ne ati, sɛ yɛkã yɛ bɔne yɛkyire ye a, ɔkɔfa kɔhyɛ yɛ ná wate yɛ nwo wafi bɔ ɔndengyɛ mukoraa nwo.

1 Yohane 5:16

Sɛ ebie nwu oliɛma kyɛ ɔyɔ bɔne bɔ ɔmva ye ngɔ ewue nu a, maa ɔbɔ mbaeɛ ɔma ye, na Nyameɛ kɔfa ye mbaeɛ ne aso kɔma ye ngoa. Mekyire bɛ bɔ bɛyɔ bɔne bɔ ɔmva bɛ ngɔ ewue nu ɔ. Nakoso bɔne bie wɔ berɛ bɔ ɔfa sona kɔ ewue nu ɔ, na ɛhe de mengyire kyɛ ɔbɔ ye nwo mbaeɛ.