Mateo 12:29 - AHYERƐLƐ KRONGRON

²⁹ “Anaakyɛ, ɔkɔyɛ sɛɛ né ebie ahora ahɔ katakyie bie awuro waafẽ ye nningyein wahɔ, sana odi moa ɔfa nyamaa kyekye katakyie ne koraka, ná afei wahora wafẽ ye awuro nningyein ne.

Mateo 12:29 Iomraidhean Croise

Yesaya 49:24

Bɔ anwoserɛniɛ ahye ye ne, aso ebie kɔhora kole ye kofi ye sa nu, anaakyɛ, bɔ bahye ye wɔ mmeraa atee so ne, aso ebie kɔhora kɔpepɛ kole ye?

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Mateo 12:28

Nakoso sɛ Nyameɛ Sunzum yeɛ mefa metu sunzummɔne mɔ de a, né nzaade Nyameɛ ahennie ne anya awa ɛmɔ so.

Mateo 12:30

“Ebiala bɔ ɔbboka me so nen, né otia me; yeɛ ebiala bɔ ɔne me mmoaboa ye noa nen, né ɔsande nu.

Marko 3:27

Ebie ngora ngɔ katakyie bie awuro ngɔmve ye nningyein, sana odi moa fa nyamaa kyekye katakyie ne koraka, ná afei wahora wafẽ ye awuro nningyein ne.”

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.