Mateo 12:28 - AHYERƐLƐ KRONGRON

²⁸ Nakoso sɛ Nyameɛ Sunzum yeɛ mefa metu sunzummɔne mɔ de a, né nzaade Nyameɛ ahennie ne anya awa ɛmɔ so.

Mateo 12:28 Iomraidhean Croise

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 12:29

“Anaakyɛ, ɔkɔyɛ sɛɛ né ebie ahora ahɔ katakyie bie awuro waafẽ ye nningyein wahɔ, sana odi moa ɔfa nyamaa kyekye katakyie ne koraka, ná afei wahora wafẽ ye awuro nningyein ne.

Mateo 21:31

Bɛ munyɔ ne, bɛ nu beni yeɛ ɔyɔle ye baba apɛdeɛ ɔ?” Na bebuale kyɛ, “Bɔ oli moa ne ɔ.” Yeɛ Yesu sele bɛ kyɛ, “Nahorɛ nu, mekã mekyire ɛmɔ kyɛ, ɛtoɔdidelɛfoɛ ne adwamanbɔlɛfoɛ bédi ɛmɔ nyunu moa bɛkɔ Nyameɛ ahennie ne anu.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Marko 1:15

Na ɔhane kyɛ, “Mmerɛ ne adwu, na Nyameɛ ahennie ne wapingye, yiti ɛ́mɔsakyera ɛmɔ adwene, ná ɛmɔle nzɛmba ne beli.”

Marko 11:10

Saleɛ ole yɛ nana Dawide ahennie bɔ ɔ́ba [Awurade dumaa nu] ye! Hosana wɔ anwuro anwuro!”

Marko 16:17

Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Luka 10:11

‘Ɛmɔ kuro wa mvuture po bɔ wahã yɛ gya bo ne, yɛporoporo yɛgua ɛmɔ ti so; na yɛ́ma ɛmɔnwu ye kyɛ, Nyameɛ ahennie ne wapingye ɛmɔ.’

Luka 11:20

Nakoso sɛ Nyameɛ sa mmɛseka yeɛ mefa metu sunzummɔne mɔ a, né nzaade Nyameɛ ahennie ne anya awa ɛmɔ so.

Luka 16:16

“Mmeraa ne ne ngɔmhyɛlɛfoɛ nemɔ bɛpem Yohane so; na ofi sɔ mmerɛ ne, bɛ́ka Nyameɛ ahennie ne nwo nzɛmba ne, na ebiala pere kɔ nu.

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

1 Yohane 3:8

Ebiala bɔ ɔyɔ bɔne te abɔnzam sona, ofikyɛ ofi ahyɛaseɛ ne yeɛ abɔnzam yɔ bɔne ɔ. Na ɔnate ɛhe ati yeɛ Nyameɛ Awa ne ɔɔlale ye nwo ali kyɛ ɔbaasɛkye abɔnzam nnwumaa.