Mateo 12:25 - AHYERƐLƐ KRONGRON

²⁵ Yesu nwuni b’adwene, yiti obuale bɛ kyɛ, “Ahennie biala bɔ ɔne ye nwo ko ne, ogu; yeɛ kuro anaa awuro biala bɔ ɔne ye nwo ko ne, ɔbɔ.

Mateo 12:25 Iomraidhean Croise

1 Ahemvo 16:21

Yisrael maen ne anu hyɛle nyɔ: bɛ bue lili Gyinate awa Tibini si, na besili ye hene, yeɛ bɛ bue koso belili Omri si.

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Yesaya 9:21

Manase keka Efraim di, yeɛ Efraim koso keka Manase di, na bɛ munyɔ bɛko betia Yuda, Na ɛhemɔ amukoraa nu ne, wanyakyi bɛ so yaa fɛlɛ, na ɔtɛ dwɔso tia bɛ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Mateo 9:4

Nakoso Yesu nwuni b’adwene, na ɔhane kyɛ, “Nzu ati yeɛ ɛmɔdwene adwene tɛɛ sɔ ɔ?

Marko 2:8

Na berɛ ne ala, Yesu nwuni ye wɔ ye sunzum nu kyɛ sɔ yeɛ bɛdwenedwene wɔ bɛ nu ɔ, yiti obisale bɛ kyɛ, “Nzu ati yeɛ ɛmɔdwenedwene ɛhemɔ wɔ ɛmɔ nu ɔ?

Yohane 21:17

Yesu bisale ye ye pɛen nza so kyɛ, “Simɔn, Yohane awa, aso ekuro me dwirɛ?” Na Petro wora bɔle kyɛ wabisa ye pɛen nza kyɛ, “Aso ekuro me dwirɛ?” Na obuale ye kyɛ, “Awurade, ɛse nikyee biala; ɛse kyɛ mekuro wɔ dwirɛ.” Yeɛ Yesu sele ye kyɛ, “Nea me mmoaen nemɔ so.

1 Korintofoɛ 2:11

Nwa yeɛ ɔse kuro sona ti anu dwirɛ ɔ? Sana sɔ sona ne sunzum bɔ ɔte ye nu ne. Sɔ ala yeɛ ebiala koso nze Nyameɛ ti anu dwirɛ ɔ, sana Nyameɛ Sunzum ne yeɛ ɔse ɔ.

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.