Mateo 12:24 - AHYERƐLƐ KRONGRON

²⁴ Nakoso Farasiifoɛ nemɔ tele sɔ dwirɛ nen, bɛhane kyɛ, “Sɔ biaa he, sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”

Mateo 12:24 Iomraidhean Croise

Edwein 109:20

Bɛ bɔ bɛto me soen ne bɛ bɔ bɛkã me nwo dwirɛ tɛɛ ne, maa ɛhe ɔyɛ b’akatuaa bɔ ofi AWURADE berɛ ɔ.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 9:32

Mmerɛ bɔ befitele bɔ bɛkɔ ne, ebiemɔ fale emumu bie bɔ sunzummɔne wɔ ye so ɔ bɛbrɛle Yesu.

Mateo 9:34

Nakoso Farasiifoɛ nemɔ hane kyɛ, “Sunzummɔne mɔ panyi ye tumi yeɛ ɔfa tutu sunzummɔne mɔ ɔ.”

Marko 3:22

Na ahyerɛlɛfoɛ bɔ befili Yerusalem bɛwale ne sele kyɛ, “Ole Beɛsebul, na sunzummɔne mɔ panyi tumi yeɛ ɔfa tutu sunzummɔne mɔ ɔ.”

Luka 11:14

Ɛlɛho bie, né Yesu otu sunzummɔne bie bɔ ɔte mumu ɔ. Na ɔwale kyɛ sunzummɔne ne tu fili ye nu nen, emumu ne dwudwole, na ɔyɛle ɛlɔen ne nwanwa.

Luka 11:15

Nakoso bɛ nu biemɔ hane kyɛ, “Sunzummɔne mɔ panyi Beɛsebul tumi yeɛ ɔfa tutu sunzummɔne mɔ ɔ.”