Mateo 12:20 - AHYERƐLƐ KRONGRON

²⁰ Elemmire bɔ ɔte fɛngyɛfɛngyɛ ne, ongobu nu, yeɛ kanea nyamaa bɔ ogye monɛɛmonɛɛ ne, ongonua ye, maa okoodwu kyɛ okobua ndɛen turoloo ngonim nu ɔ;

Mateo 12:20 Iomraidhean Croise

2 Ahemvo 18:21

Tie, Misraim yeɛ afa wɔ nwo ato ye so ɔ? Ɔte kyɛ pɔmaa bɔ onzo ɔ, na ebiala bɔ okokisa ye ne, okobu kɔwɔ ye sa nu. Sɔ yeɛ Misraim hene Faro fa di ebiala bɔ ɔkɔfa ye nwo kɔto ye so ɔ.

Edwein 147:3

Ɔkyekye bɛ bɔ bɛ wora abɔ ɔ wora, na ɔteta bɛ ngena nu.

Edwein 51:17

Afɔleɛ bɔ Nyameɛ nye gye ye nwo ole ahone bɔ wabrɛ ye nwo ase ɔ; ao Nyameɛ, ahone bɔ wabrɛ ye nwo ase, ná ye wora abɔ de, ɛngɔpo.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Hesekiel 34:16

Bɔ wamini ne, ngɔpena ye boso, yeɛ bɔ bafoa ye maa wahɔ ne, ngɔɔfa ye ngɔwa. Bɔ wabubu ne, ngɔbɔ ye borɛ, bɔ ɔnde apɔ ne, ngɔsa ye anwonyerɛ; na bɛ bɔ balɔ bɔ bɛ nwo yɛ se ne wora, ngɔnea bɛ so; na ngɔfa pɛpɛɛpɛyɛlɛ yeɛ ngɔnea bɛ so ɔ.

Lewitikɔso 10:20

Na Mose tele sɔ nen, ye ahone tɔle ye kunu.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 11:7

Na mmerɛ bɔ béfi berɛ bɛ́kɔ nen, Yesu hyɛle ye bo hane edwirɛ bɔ ɔfa Yohane nwo ɔ hyirele ɛlɔen ne kyɛ, “Nzikyɛ yeɛ ɛmɔsili nu bɛhɔle ɛserɛ so dɔ bɛɛneane ɔ? Elemmire bɔ mvrama wosowoso ye anaa?

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 2:7

Yiti ohia kyɛ ɛmɔfa ye nwo bɛkyɛ ye ná ɛmɔkyekye ye wora, amaa aworabɔlɛ ne ammu ye kɔme anu.

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.