Mateo 12:18 - AHYERƐLƐ KRONGRON

¹⁸ “Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 12:18 Iomraidhean Croise

Edwein 89:19

Mmerɛ bie, ɛnate nyekyire so dwudwo hyirele wɔ nahorɛniɛ ne kyɛ, “Mafa mmokalɛ mama ebie bɔ ye nwo yɛ se ɔ, na sona bɔ maneanea maen ne anu maye ye ne, mapagya ye.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 52:13

Ɛ́mɔtie, okoyie me somvoɛ ne yé, bɛkɔma ye anidie ná bama ye so, na ɔkɔyɛ titire paa.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 62:2

Maen maen mɔ konwu wɔ bebualɛ ne, yeɛ ahemvo amukoraa bekonwu w’animnyam; bɛkɔfa dumaa foforɛ yeɛ bɛkɔfrɛ wɔ ɔ, bɔ ɔte dumaa bɔ okofi AWURADE noa nu kɔwa ɔ.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Mateo 12:17

Na ɛhe mane ngɔmhyɛlɛniɛ Yesaya dwirɛ bɔ ɔhane ne wale nu kyɛ,

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 23:35

Né mmenia nemɔ begyigyi berɛ bɛnea. Na mbanyi nemɔ gorole ye nwo kyɛ, “Olele ebiemɔ, sɛ ye ole Kristo ne bɔ Nyameɛ aneanea nu aye ye ne a, maa ole ye nwo e!”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Luka 9:35

Afei edwudwolɛ bie fili munungum ne anu hane kyɛ, “Ɛhe ole Mma bɔ maneanea nu maye ye ne; ɛ́mɔtie ye!”

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Ɛfesofoɛ 1:6

amaa ɔnate so yaye ye animnyam adom bɔ ɔnate ye ahone nu Ba ne aso wafa walo yɛ ne ayɛ.

Kolosefoɛ 1:1

Me Pɔɔlo, ɔnate Nyameɛ pɛ so nde Kristo Yesu somafoɛ ɔ. Krataa he fi me ne aliɛmaa Timoteo berɛ.

Kolosefoɛ 1:13

Wapepɛ wale yɛ wafi awosii tumi nu, na waasikye yɛ wɔ Ɔwa bɔ okuro ye dwirɛ n’Ahennie nu;

1 Petro 2:4

Ɛmɔbra ye berɛ, ngoa nyɔboɛ ne, bɔ mmenia apo ye, nakoso Nyameɛ de, waneanea nu waye ye, bɔ odi mu ne;

2 Petro 1:17

Ofikyɛ mmerɛ bɔ onyane anidie ne animnyam fili Baba Nyameɛ berɛ, ná komviɛ bie fili Animnyam Totohyia ne berɛ wale ye berɛ kyɛ, “Mma bɔ ɔla m’ahone nwo ná me nye gye ye nwo paa ne ɛhe” nen,