Mateo 12:14 - AHYERƐLƐ KRONGRON

¹⁴ Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 12:14 Iomraidhean Croise

Mateo 26:4

na bɛbɔle porɛ kyɛ bɛkɔhye Yesu kudɛɛ ná bahu ye.

Mateo 27:1

Na aleɛ hyene ne, asɔfo mbanyi ne maen mbanyi amukoraa bɛhɔle Yesu nwo agyina bɛbɔle porɛ kyɛ bekohu ye.

Marko 14:1

Né waha elenyɔ maa bedi Abɔtra ne Paanoo Kabrɛdi aluolue ne. Na asɔfo mbanyi ne ahyerɛlɛfoɛ nemɔ bɛpenane atee bɔ bɛkɔfa so bɛkɔhye Yesu kudɛɛ, ná bahu ye ɔ.

Marko 3:6

Yeɛ Farasiifoɛ nemɔ fili berɛ fitele, na berɛ ne ala, bɛ ne Herodefoɛ bɛɛbɔle ye ti so porɛ bɛpenane atee bɔ bɛkɔpe so bekohu ye ɔ.

Luka 22:2

Né asɔfo mbanyi ne ahyerɛlɛfoɛ nemɔ bɛpena atee bɔ bɛkɔfa so bekohu Yesu ɔ, ofikyɛ né besuro ɛlɔen ne.

Luka 6:11

Nakoso bɛ de, b’ahone huli, na bɛhɔle agyina bɛpenane nikye horɛ bɔ bɛkɔfa bɛkɔyɛ Yesu ɔ.

Yohane 10:31

Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 10:39

Na bɛbɔle mmɔden bieku kyɛ bɛkɔhye ye ɔ, nakoso onyane ye nwo tetele fili bɛ sa nu hɔle.

Yohane 11:53

Yiti ofi sɔ kyẽa ne bɔ ɔkɔ ɔ, bɛbɔle porɛ kyɛ bekohu ye.

Yohane 11:57

Né asɔfo mbanyi ne Farasiifoɛ nemɔ bahyɛ mmeraa kyɛ, sɛ ebie se nekaa bɔ ɔwɔ a, ohyire bɛ ma bɛɛhye ye.

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Yohane 7:32

Farasiifoɛ mɔ bɛtele kyɛ ɛlɔen ne bɛ́yɛ nwuhunwuhu bɛkekã sɔ dwirɛ ne bɛfa ye nwo. Yiti Farasiifoɛ ne asɔfo mbanyi mɔ betuli asomvoɛ mɔ kyɛ bɛhɔ bɛɛhye ye.

Yohane 7:44

Na bɛ nu biemɔ penane kyɛ bɛkɔhye ye ɔ, nakoso ebiala amva ye sa wanga ye.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.