Mateo 12:10 - AHYERƐLƐ KRONGRON

¹⁰ Na yieee, né biaa bie wɔ berɛ bɔ ye sa ko awu ɔ. Na bebisale Yesu kyɛ, “Aso mmeraa ma ate kyɛ bɛsa anwonyerɛ afofikyẽa anaa?” Né bɛpena edwirɛ bɛfa bɛbɔ ye kwaadu.

Mateo 12:10 Iomraidhean Croise

Yesaya 32:6

Ofikyɛ kwaseaa kekã ngwaseaa dwirɛ, na ɔdwene adwene tɛɛ bɔ ɔmaa ɔyɔ amumuyɛɛ ɔ, ɔkekã AWURADE nwo dwirɛ tɛɛ, ɔma bɔ ɛhɔen ku ye ɔ ye noa aleɛ bɔ ye, na ɔmma bɔ nzuhɔen ku ye ɔ nnya nzue nno.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Sakaria 11:17

Mmoaenneafoɛ tɛɛ bɔ ɔto mmoaen nemɔ asaworam ne, ye yaakɔ! Ngrandɛ kɔpɛ ye sa, yeɛ okotu ye nye famaa. Ye sa kowu bɔkɔɔ, na ye nye famaa kosi bɔkɔɔ.”

Mateo 12:2

Na mmerɛ bɔ Farasiifoɛ nemɔ nwuni sɔ ne, besele ye kyɛ, “Nea, w’asuafoɛ nemɔ bɛ́yɔ bɔ otia mmeraa kyɛ bɛyɔ ye afofikyẽa ɔ!”

Mateo 19:3

Yeɛ Farasiifoɛ wale ye berɛ beesole ye bɛneane, na bebisale ye kyɛ, “Aso mmeraa ma ate kyɛ ɔnate edwirɛ biala so, ebie kora yira ɔye anaa?”

Marko 3:2

Na bɛtetɛle ye bɛneane sɛ ebiaa ɔkɔsa biaa ne anwonyerɛ afofikyẽa ne a, ná banya ye babɔ ye kwaadu.

Luka 11:54

kyɛ ebiaa ɔkɔhã dwirɛ bɔ ɔkɔma ye noa kɔtɔ ɔ.

Luka 13:14

Nakoso nyianu sua ne anu panyi ne fɛle yaa kyɛ Yesu asa anwonyerɛ afofikyẽa ɔ, na osele mmenia ne kyɛ, “Elesia yeɛ ɔsɛ kyɛ yɛfa yɛyɔ adwuma ɔ. Sɔ ngyẽa nemɔ yeɛ ɛmɔbra ma bɛsa ɛmɔ anwonyerɛ ɔ, na ɔnzɛ kyɛ ɔyɛ afofikyẽa.”

Luka 20:22

Aso otia mmeraa kyɛ yɛtua ɛtoɔ yɛma Kaesare, anaakyɛ ondia?”

Luka 23:14

na ɔfa tole bɛ nyunu kyɛ, “Ɛmɔfale biaa he bɛbrɛle me, kyɛ ye yeɛ ɔma mmenia bɛyɔ basabasa wɔ maen ne anu ɔ. Na ɛ́mɔtie, mabisabisa ye dwirɛ wɔ ɛmɔ nyunu wa, nakoso kwaadu bɔ ɛmɔafa babɔ biaa he ne, mennwu kyɛ odi nu biala nwo fɔ ɔ.

Luka 23:2

Na bɛhyɛle ye bo bɛbɔle ye kwaadu kyɛ, “Akoaa he, yɛhyele ye kyɛ ɔbɔ yɛ maen ne anwo tokuro, na ɔbera mmenia kyɛ nnɛmaa betua toɔ bɛma Kaesare; afei koso, ɔnwa ye ala ole Ɛhene Kristo ne.”

Yohane 5:10

Yiti Yudafoɛ nemɔ sele biaa bɔ ye nwo asa ne kyɛ, “Ɛnɛ te afofikyẽa, yiti mmeraa mma ate kyɛ ɛkɔsoa wɔ bɛen ɔ.”

Yohane 5:3

Né ayarefoɛ pee, anyesiniwaafoɛ, mbakye ne bɛ bɔ babubu bagua berɛ ɔ bɛlela apata nemɔ abo [bɛnwondɛ nzue ne maa ɔwoso.

Yohane 7:23

Na sɛ ɛmɔpɛ ebie bienzua afofikyẽa, kyɛbɔ ɔkɔyɛ bɔ ɛmɔngobu Mose mmeraa so a, né nzu ati yeɛ ɛmɔafɛ me so yaa kyɛ mama sona mumua wate apɔ wɔ afofikyẽa ɔ?

Yohane 8:6

Bɛhane ɛhe bɛfa besuale ye ngaen, kyɛbɔ bekonya edwirɛ bie bɛkɔfa bɛkɔbɔ ye kwaadu ɔ. Na Yesu kunduni berɛ, na ɔfale ye sa mmɛseka hyerɛhyerɛle aseɛnwo berɛ.

Yohane 9:16

Yeɛ Farasiifoɛ ne anu biemɔ hane kyɛ, “Sɔ biaa ne, nna Nyameɛ berɛ yeɛ ofi ɔ, ɔnate kyɛ onni afofikyẽa so.” Na ebiemɔ koso bɛhane kyɛ, “Ɔkɔyɛ sɛɛ né sona bɔ ɔte bɔnefoɛ ɔ wahora wayɔ nzɛngyerɛnneɛ bɔ ɔte sɔaa ɔ?” Na bɛ nu hyehyɛle.