Mateo 11:8 - AHYERƐLƐ KRONGRON

⁸ Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ nyemenenyemene ne de, ahemvo mɔ b’awuro yeɛ bɛte ɔ.

Mateo 11:8 Iomraidhean Croise

2 Ahemvo 1:8

Bebuale ye kyɛ, “Ye ataadeɛ ne te nwomaa bɔ nwiaa wɔ so ɔ, na wabɔ nwomaa abɔsoɛ.” Yeɛ Ahasia hane kyɛ, “Tisibeniɛ Elia ɔ.”

Yesaya 20:2

sɔ mmerɛ ne, AWURADE fale Amoso awa Yesaya so hane kyɛ, “Kɔye ɛsɛen tena bɔ afa apɛ wɔ bo ne gua berɛ, ná puropuro wɔ mbaboa ne fi wɔ gya gua berɛ.” Ɔyɔle sɔ, na ɔyele ye nwo tole so fale ye gya guale ase.

Sakaria 13:4

Sɔ kyẽa ne, ngɔmhyɛlɛniɛ biala hyɛ ngɔm a, ye nyunu kogua ase wɔ ye nyekyire nwo, yeɛ bengowura enwiaa ataadeɛ aguasoɛ ngɔfa ngɔlakalaka mmenia.

Mateo 11:7

Na mmerɛ bɔ béfi berɛ bɛ́kɔ nen, Yesu hyɛle ye bo hane edwirɛ bɔ ɔfa Yohane nwo ɔ hyirele ɛlɔen ne kyɛ, “Nzikyɛ yeɛ ɛmɔsili nu bɛhɔle ɛserɛ so dɔ bɛɛneane ɔ? Elemmire bɔ mvrama wosowoso ye anaa?

Mateo 11:9

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Ngɔmhyɛlɛniɛ anaa? Yoo, mekã mekyire ɛmɔ kyɛ, ɔtra ngɔmhyɛlɛniɛ po.

Mateo 3:4

Né Yohane wura afupɔngɔ nwiaa ataadeɛ, na né ɔbɔ nwomaa abɔsoɛ. Aleɛ bɔ né odi ole mmɛbɛ mbiri ne woɛ.

Luka 7:25

Anaakyɛ nzikyɛ yeɛ ɛmɔsili nu bɛhɔ bɛɛneane ɔ? Sona bɔ owura ndaadeɛ nyemenenyemene anaa? Ɛ́mɔtie, bɛ bɔ bewura ndaadeɛ paa ná banya asetena nu anigye ne de, ahemvie yeɛ bɛwɔ ɔ!

1 Korintofoɛ 4:11

Ɛnɛ ne ɛnɛ ye, ɛhɔen ne nzuhɔen ku yɛ, yɛ nwo la so, bɛkã yɛ mbire, yeɛ yɛlle amandena,

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

Deuteronomi 28:54

Wɔ nu bienzua bɔ odwo paa ná ɔkorɔkorɔ sona paa ne po, ɔkɔfa aleɛ kɔbɔ oliɛma aheɛ, ye ahone nu braa aheɛ, ɔne ye mma bɔ baha ne aheɛ.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”