Mateo 11:5 - AHYERƐLƐ KRONGRON

⁵ anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 11:5 Iomraidhean Croise

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

2 Ahemvo 5:7

Yisrael hene kengale krataa ne yiele pɛ, osunzuale ye bɔbɔ ye ndaadeɛ nu, na ɔhane kyɛ, “Aso nde Nyameɛ né mahora mama ewue anaa ngoa, bɔ yeɛ biaa ye ato me ngraa kyɛ nza biaa he kwata anwonyerɛ ɔ! Aso ɛmɔnea a, ɔmbena me ne ngondii!”

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Edwein 22:26

Anwobrɛaseɛfoɛ bekodidi bɛkɔma bɛ ko koyi; bɛ bɔ bɛpena AWURADE si atee ne, bɛ yeɛ bɛkɔye ye ayɛ ɔ. Nyameɛ ɔ́ma ɛ́mɔnya anika afebɔɔ!

Ɛksadɔso 4:11

Na AWURADE bisale ye kyɛ, “Nwa yeɛ ɔyɔle kuro sona noa ɔ? Nwa yeɛ ɔmaa ɔyɛ emumu anaa asotiniwaaniɛ, ɔmaa onwu nikye anaa ɔyɛ ye anyesiniwaaniɛ ɔ? Yiti nna me AWURADE ɔ?

Yesaya 29:18

Sɔ kyẽa ne, asotiniwaaniɛ kɔte nwomaa ne anu dwirɛ, na anyesiniwaafoɛ bɛ nye kofi awosii kabii nu konwu nikye.

Yesaya 29:19

Na mmenia bɔ bedwo ne, bekonya AWURADE nu anika pee, na mmenia nu ehiafoɛ bekoli ahurusi wɔ Yisrael Krongronniɛ ne anu.

Yesaya 43:8

Maen bɔ bɛ nye asi, nakoso bele anyeɛ ne, bɔ bɛ so ati, nakoso bele asoɛ ne, fa bɛ bra!

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Sakaria 11:7

Na ngɔyɛ akumyɛɛ mmoaen kure ne aso neafoɛ, nganga, bɛ bɔ bɛyɛ anwumvo wɔ mmoaen kure ne anu ne. Mvale pɔmaa nyɔ. Ndole ko dumaa: Ɛlolɛ, yeɛ ko ne wora ndole ye dumaa: Koyɛlɛ, na nneane mmoaen kure ne aso.

Mateo 10:8

Ɛ́mɔsa ayarefoɛ anwonyerɛ, ɛ́mɔtingye awufoɛ, ɛ́mɔma kwatafoɛ nwo fi, ná ɛ́mɔtu sunzummɔne mɔ. Ɛmɔnyane ye mbaen, yiti ɛ́mɔfa bɛ́ma mbaen.

Mateo 11:4

Na Yesu buale bɛ kyɛ, “Ɛmɔhɔ bɛɛhã bɔ ɛmɔte, ɔne bɔ ɛmɔnwu ye ɔ behyire Yohane:

Mateo 12:13

Na osele biaa ne kyɛ, “Tengyɛ wɔ sa ne anu.” Ɔtengyɛle nu, na ɔyɛle paa kyɛ ko ne ala.

Mateo 21:14

Na anyesiniwaafoɛ ne mbakye wale ye berɛ wɔ asɔneyɛɛ sua ne anu, na ɔsale bɛ anwonyerɛ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 9:30

Na bɛ nye tetele. Na Yesu bɔle bɛ noa kitii kyɛ, “Ɛ́mɔnea yé ná ebiala ande!”

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Yohane 10:25

Na Yesu buale bɛ kyɛ, “Mahã mahyire ɛmɔ, na ɛmɔnne benni. Nnwumaa bɔ meyɔ wɔ me Baba dumaa nu ne, bedi me nwo adanzeɛ.

Yohane 10:38

Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 2:23

Mmerɛ bɔ Yesu wɔ Yerusalem bɔ né bedi Abɔtra aluolue nen, mmeni pee lele ye dumaa lili, ɔnate nzɛngyerɛnneɛ bɔ benwuni kyɛ ɔyɔ ne ati.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Yohane 9:7

na osele ye kyɛ, “Kɔ, ná konwunzi so wɔ ɛkwaa Siloam nu,” (bɔ ye bo kyire: Bɔ basoma ye ɔ). Yiti osili nu hɔle oonwunzini so, na osa wale nen, né onwu nikye.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?