Mateo 11:28 - AHYERƐLƐ KRONGRON

²⁸ “Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 11:28 Iomraidhean Croise

YOB NWOMAA NE 14:1

“Dasaniɛ bɔ brasua awo ye ɔ, ye ngoa te tika, na amaneɛ ngome.

YOB NWOMAA NE 5:7

Na mmom, bɛwo sona bɛto amaneɛ nu, kyɛbɔ kobogya tu kɔ anwuro ne ala.

Edwein 116:7

Ao me kra, sa kɔ nekaa bɔ ede wɔ nwome ne, ofikyɛ AWURADE alo wɔ paa.

Edwein 32:4

Ofikyɛ wɔ sa gyi me nwo eyia ne kɔngɔen; m’anwoserɛ amukoraa yiele kyɛbɔ asue wewe wɔ wawa mmerɛ ɔ. Sela

Edwein 38:4

Ofikyɛ m’amumuyɛɛ abungam afa me so; na nu nonɛ obu me kɔme anu.

Edwein 94:13

Ɔnate so ɛmaa ode ye nwome fi amaneɛ mmerɛ nu, kɔpem kyɛ bekotu kumaa maa bɔnefoɛ kɔtɔ nu ɔ.

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Yesaya 1:4

Ao, maen bɔ bɔne ayi nu tɛkyɛ ɔ! Mmenia bɔ amumuyɛɛ ali bɛ ti ɔ! Bɔnefoɛ mɔ bɛ bosofoɛ! Mmaa bɔ basɛkye ɔ! Bɔ bapo AWURADE, bɔ babu Yisrael Krongronniɛ ne animtia, ná bakakyi bɛ si bama ye ɔ!

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 28:12

Maen he yeɛ osele ye kyɛ, “Ɛhe te nwomelelɛ, Ɛ́mɔma bɛ bɔ bafɛ ne bele bɛ nwome; ɛwa te nekaa bɔ ɔte asomdwee ɔ.” Nakoso bandie ye dwirɛ ne.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yeremia 31:25

Ofikyɛ ɛkra bɔ wayɛ hodwoo ne, ngɔmaa okole ye nwome, yeɛ ɛkra bɔ ye wora abɔ ne, ngɔmaa ye ko koyi.”

Yeremia 35:16

Rekabo awa Yonadabo ye boso ama bali ahyɛdeɛ bɔ bɛ nana fa mane bɛ ne aso, nakoso maen he de, bandie me dwirɛ.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 23:4

Bɛkyekye nningyein nonɛnonɛ bɛto mmenia bati so; nakoso bɛ de, bɛmva bɛ sa mmɛseka ko po bɛnzɔ nu ma bɛmma so.

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Yohane 7:37

Na kyẽa bɔ ɔpɛ ye bo, bɔ ɔte aluolue ne anu kyẽa piri ne, Yesu dwɔso gyinane, na ɔteane nu hane kyɛ, “Sɛ nzuhɔen ku ebie a, ɔbra me berɛ ɔɔno nzue oo.

Asomafoɛ 15:10

Na afei, nzu ati yeɛ ɛmɔso Nyameɛ bɛnea na bɛfa nningyein bɔ yɛ ne yɛ nana mɔ yangora ye soa bɛsoa agyidifoɛ ne ɔ?

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Galatiafoɛ 5:1

Kristo ama yɛ fawɔnwodi amaa yayɛ nnehyeɛ. Yiti ɛ́mɔgyina pindinn, na nnɛma ɛmɔfa ɛmɔ nwo bewura ngoaasolɛ nu ko.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.