Mateo 11:25 - AHYERƐLƐ KRONGRON

²⁵ Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 11:25 Iomraidhean Croise

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

1 Aberɛso Dwirɛ 29:13

Afei, yɛ Nyameɛ, yɛda wɔ ase, na yɛye wɔ animnyam dumaa ne ayɛ.

YOB NWOMAA NE 37:24

Ye sɔ ne ati, adasa suro ye, na ebiala bɔ obu ye nwo kyɛ ɔse nworɛ ne, Nyameɛ mva ye nyɛ huu.”

Edwein 8:2

Ɔnate wɔ pɔfoɛ mɔ ti, yeɛ kyɛbɔ ɔkɔyɛ bɔ ɛkɔhã pɔfoɛ ne ne wereɛtɔlɛniɛ ne bɛ noa kɔto nu ne ati, nnɔma ne ngwadaa mmaa mmaa bɛ noa, yeɛ ɛfa so ma mmenia te w’animnyam nwo dwirɛ ɔ.

Yesaya 5:21

Bɛ yaakɔ! Bɛ bɔ bɛdwene kyɛ bɛte nworɛfoɛ, ná bɛdwene kyɛ bɛte badwemma ɔ!

Yesaya 66:1

AWURADE nwa nyoo: “Nyameɛso te m’ahennie bia, yeɛ aseɛ te me gya ndiasoɛ; nzikyɛ sua koraa yeɛ ɛmɔkosi bɛkɔma me ɔ, nisua yeɛ ngole me nwome ɔ?

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Luka 22:42

“Baba, sɛ ekuro a, ye sɔ kulie he fi me so; nakoso nna kyɛbɔ mekuro hɔ ɔ, na mmom bɔ ekuro ne yeɛ ɔyɛ berɛ ɔ.” [

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 11:41

Yiti bɛyele nyɔboɛ ne. Na Yesu neane anwuro hane kyɛ, “Baba, meda wɔ ase kyɛ atie me ɔ.

Yohane 12:27

“Afei de, me kra nwo ato; na nzikyɛ dwirɛ koraa yeɛ nga ɔ? Baba, de me fi dɔnhwere he anu! Nakoso, ɛhe ati yeɛ mawa dɔnhwere he anu ɔ.

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Asomafoɛ 17:24

Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

1 Korintofoɛ 2:10

Nakoso yɛ yeɛ Nyameɛ nate ye Sunzum so waye wahyire yɛ ɔ. Ofikyɛ Sunzum ne pɛnzɛpɛnzɛ nikyee biala nu, ɔne Nyameɛ mvealeɛ nu nhyehyɛleɛ po.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.