Mateo 11:24 - AHYERƐLƐ KRONGRON

²⁴ Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom aseɛ ne, ongodwu bɔ ɔkɔto wɔ ne!”

Mateo 11:24 Iomraidhean Croise

Yeremia 23:14

Yeɛ Yerusalem ngɔmhyɛlɛfoɛ nwo koso, manwu nikyee bie bɔ ɔte anwodwiri ɔ: bɛsɛkye agyaa, yeɛ bɛpɛ ngondombo; bɛhyɛ bɔnefoɛ nguraen, maa ɔnate so ebiala ɔnzakyera mvi ye bɔne nwo; bɛ mukoraa bayɛ me nye so kyɛ Sodom; na nu ama koso bayɛ kyɛ Gomora.

Awuye 4:6

Ofikyɛ me maen awa brasua, ye amumuyɛɛ nwo asohwenɛ ne, ɔte piri tra Sodom ye bɔne nwo asohwenɛ deɛ; Sodom bɔ bɛsɛkyele ye mvum nu, bɔ ebiala wandwe ye sa wɔ ye so ɔ.

Hesekiel 16:48

Kyɛ nde ase ye de, AWURADE Nyameɛ noa dwirɛ ɛne, eliɛma brasua Sodom ne ye mma mmrasua nemɔ bammɔ bra bɔ ɛne wɔ mma mmrasua mɔ babɔ ye.

Mateo 10:15

Nahorɛ nu, mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom ne Gomora aseɛ ne nen, ongodwu bɔ ɔkɔto sɔ kuro ne.

Mateo 11:22

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Tiro Sidon nen, ongodwu bɔ ɔkɔto ɛmɔ ne.

Mateo 23:14

Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔbɔ akunafoɛ mmrasua apoo bede bɛ nningyein, nakoso ɛmɔpati bɛbɔ mbaeɛ tendenn bekyire. Ɛhe ati, bekobua ɛmɔ foɛ piri paa!]

Marko 6:11

Na nekaa biala bɔ berɛ ama bengole ɛmɔ, anaa bengotie ɛmɔ dwirɛ nen, sɛ ɛmɔfi berɛ bɛkɔ a, ɛ́mɔporoporo ɛmɔ gya bo mvuture bégua berɛ ma ɔyɛ adanzeɛ hyire bɛ.”

Luka 10:12

Na mekã mekyire ɛmɔ kyɛ, sɔ kyẽa ne, amaneɛ bɔ ɔkɔto Sodom ne, ongodwu bɔ ɔkɔto sɔ kuro ne.