Mateo 11:23 - AHYERƐLƐ KRONGRON

²³ Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu. Ofikyɛ, nnwumaa mbiri mbiri bɔ bɛyɔle bɛ wɔ wɔ nu ne, sɛ bɛyɔle bɛ wɔ Sodom a, ahaa ɔtɛwɔ berɛ maa waadwu ɛnɛ.

Mateo 11:23 Iomraidhean Croise

Gyenesise 13:13

Né Sodomfoɛ te amumuyɛɛfoɛ, bɔ bɛyɔ bɔne mbirikua mbirikua betia AWURADE ɔ.

Awuye 2:1

Nea kyɛbɔ AWURADE ole yaa, wafa munungum wamundu Sion awa brasua ne aso ɔ! ná wagyi Yisrael anwonyemene wafi nyameɛso waato ase, bɔ wangaye ye gya bo ndiasoɛ, wɔ ye ɛyaafɛlɛ kyẽa ne anu ɔ.

Hesekiel 26:20

ye de, ngɔfa wɔ ngɔboka bɛ bɔ ofi tetetete bedwu ase bɛkɔ ɛborɔ kumaa nu ne aso, na ngofindi wɔ ngɔto ase. Ngɔmaa ɛkɔtena aseɛ bo dɔ, nekaa bɔ berɛ te aworabɔlɛ fi tetetete ne, ɛne bɛ bɔ bedwu ase bɛkɔ ɛborɔ kumaa nu ne, amaa ɔnate so ebiala wandena wɔ nu ko, na ngɔma animnyam kɔwa ateasefoɛ aseɛ so.

Hesekiel 31:14

Mayɔ sɔ, amaa ɔnate so asue noa mmakaa nu biala wamva ye tendenn wanhoahoa ye nwo, anaakyɛ wamma ye ti anwuro wangɔanga munungum ne anu dɔ. Na bakaa biala bɔ onya nzue ne, ongonyi ngɔhɔ anwuro sɔ; ofikyɛ ewue la berɛ ɔnwondɛ bɛ mukoraa, bɛkɔhɔ aseɛ bo dɔ bɛkɔɔboka adasa mmaa so, bɛ ne bɛ bɔ bɛkɔ ɛborɔ kumaa nu ne.

Hesekiel 32:18

“Sona awa, bɔ Misraim lɔen worawora ne ti so awuye, na bɛ ne maen maen atitire mɔ bɛ mma mmrasua nemɔ, gyi bɛ gua aseɛ bo dɔ maa bɛɛboka mmenia bɔ bahɔ ɛborɔ kumaa nu dɔ ne aso.

Hesekiel 32:24

“Berɛ yeɛ Elam wɔ ɔ, ɔne ye lɔen worawora amukoraa bɔ bapɛ ye asieleɛ nwo bayia ne. Bɛ mukoraa bahũhũ bɛ, batotɔ ngrandɛ noa; bɛte bɛmbɛ-bɛ-bienzuafoɛ bɔ bɛhɔle aseɛ bo dɔ, bɔ bɛmane bɛ nwo suronyi tɔle mmenia so wɔ ateasefoɛ aseɛ so ne, na bɛ ne bɛ bɔ bahɔ ɛborɔ kumaa nu ne, bɛso b’animguaseɛ.

Obadia 1:4

Sɛ etu kɔ anwuro kyɛ kɔleɛ po, ná ɛkyekye wɔ saen wɔ nzramaa mɔ anu po a, berɛ yeɛ ngɔhwe wɔ ngofi ngɔto ase ɔ, AWURADE noa dwirɛ ɛne.

Mateo 10:15

Nahorɛ nu, mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom ne Gomora aseɛ ne nen, ongodwu bɔ ɔkɔto sɔ kuro ne.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 17:24

Mmerɛ bɔ beedwuli Kapanɔm nen, asɔneyɛɛ sua nwo ɛtoɔdidelɛfoɛ wale Petro berɛ beebisale ye kyɛ, “Ɛmɔ kyerɛkyerɛniɛ ne, aso ondua ɛtoɔ ne anaa?”

Mateo 4:13

Otu fili Nasarɛte ɔɔtenane Kapanɔm bɔ ɔwɔ mboanoa, wɔ Sebulɔn ne Nafetali mbɔtam.

Mateo 8:5

Yesu dwuli Kapanɔm nen, asraafoɛ ɛyaa so panyi bie wale ye berɛ, na ɔsrɛle ye kyɛ,

Luka 10:15

Na wɔ, Kapanɔm, bɛkɔma wɔ so bɛkɔhɔ nyameɛso anaa? Daabi. Bekogyi wɔ bɛkɔto abɔnzam see nu.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Luka 4:23

Na Yesu sele bɛ kyɛ, “Ɔnyɛ nwanwa kyɛ ɛmɔkobu anyandera he bekohyire me kyɛ, ‘Safoɛ, sa wɔ nwo anwonyerɛ e! Bɔ yate kyɛ ɛyɔle ye wɔ Kapanɔm nen, yɔ bie wɔ wɔ bɔbɔ wɔ kuro wa e!’ ”

Asomafoɛ 2:27

Ofikyɛ ɛngɔyakyi me kra ma ɔngɔha ɛborɔ, yeɛ ɛngɔma wɔ Krongronniɛ ne ɔngɔporɔ wɔ ngɔporɔ ɛborɔ kumaa nu.

Asomafoɛ 2:31

Onwuni bɔ kyẽa bie okosi ɔ, yiti ɔhane Kristo wutingyelɛ ne nwo dwirɛ kyɛ, ‘Wanyakyi ye wɔ ɛborɔ; na ye nwonaen amborɔ kumaa nu.’

Yuda 1:7

Na sɔ ala yeɛ Sodom ne Gomora ne nguro bɔ bapɛ bɛ nwo bayia, bɔ bɛyɛle kyɛ ɛhemɔ, bɔ bɛlɔle asukɔ wɔ adwamanbɔlɛ nu, ná bɛbɔle nnaa nu musue ne, bafa bɛ bayɛ see afebɔɔ nwo nhwɛsoɛ bato berɛ ɔ.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 11:8

Na bɛ fuin nemɔ kɔlela kuro piri ne dwaaso, kuro bɔ sunzum nu bɛfrɛ ye Sodom ne Misraim ne, nekaa bɔ bɛbɔle b’Awurade koso mmeamudua nu ne.

Nyekyire 20:13

Na ɛpo yele awufoɛ bɔ bɛwɔ ye nu ne wale. Ewue ne Ɛborɔ yeyele awufoɛ bɔ bɛwɔ bɛ nu ne bɛwale. Na bebuale bɛ nu biala ndɛen kyɛbɔ bɛ nnwumaa te ɔ.

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.