Mateo 11:21 - AHYERƐLƐ KRONGRON

²¹ “Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Mateo 11:21 Iomraidhean Croise

YOB NWOMAA NE 42:6

Yiti manu me nwo, na me nwo yɛ me nya, na mafa mvuture ne nzoen magua me nwo.”

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Mateo 11:22

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Tiro Sidon nen, ongodwu bɔ ɔkɔto ɛmɔ ne.

Mateo 15:21

Afei Yesu fili berɛ hɔle Tiro ne Sidon mbɔtam.

Mateo 18:7

Ɔnate sundiduatolɛ ti, ewiase ye yaakɔ! Ɔyɛ sɛɛ ala a sundiduatolɛ kɔwa; nakoso sona bɔ ɔnate ye so sundiduatolɛ kɔwa ne de, ye yaakɔ!

Mateo 26:24

Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Marko 3:8

Yerusalem, Yidumea ne Yɔɔdan si, yeɛ Tiro ne Sidon mbɔtam. Na mmenia wora bɔ bɛtele bɔ ɔyɔle ne amukoraa nen, bɛwale ye berɛ.

Marko 6:45

Na berɛ ne ala, Yesu mane ye asuafoɛ nemɔ fole ɛlɛen nu, kyɛ beli ye nyunu moa bɛhɔ asue ne asi dɔ, wɔ Betesaeda bue nu dɔ, ná ye de ogua ɛlɔen ne ate koraka.

Marko 7:24

Yesu dwɔsole fili berɛ nen, ɔhɔle Tiro ne Sidon mbɔtam. Ɔhɔle awuro bie anu; na ahaa né ɔmbena kyɛ ebiala te ye nga, nakoso wangora wamva ye nwo wamvea.

Marko 7:31

Afei Yesu sa fili Tiro mbɔtam, na ɔɔpɛle nu wɔ Sidon, na ɔfale Dekapoli mbɔtam wale Galilea ɛpo ne anwo.

Marko 8:22

Bedwuli Betesaeda nen, mmenia biemɔ fale anyesiniwaaniɛ bie bɛbrɛle Yesu, na bɛsrɛle ye kyɛ ɔfa ye sa hã ye.

Luka 4:26

nakoso banzoma Elia maa wangɔ bɛ nu biala berɛ, sana braa kunaniɛ bie bɔ ɔwɔ Sidon kuro Sarefate ɔ ngome berɛ.

Luka 6:17

Na ɔne bɛ bedwu bɛwale ne, oogyinane aseɛ frɛtɛɛ bie aso; ɔne ye asuafoɛ pee ne ɛlɔen pirikua bɔ befi Yudea amukoraa ne Yerusalem ne Tiro ne Sidon mboanoa, bɔ bɛwale kyɛ bɛbaatie ye dwirɛ ná bɛmaa ɔsa bɛ anwonyerɛ ɔ;

Luka 9:10

Na asomafoɛ nemɔ sa wale nen, bɛfale bɔ baayɔ amukoraa nwo amaneɛ bɛbɔle Yesu. Na Yesu fale bɛ ɔne bɛ beewurale nekaa bie dinn wɔ kuro bɔ oli Betesaeda nwo berɛ.

Yohane 1:44

Filipo fi Betesaeda, Andrea ne Petro bɛ kuro.

Yohane 12:21

Yeɛ sɔ mmenia nemɔ bɛwale Filipo bɔ ofi Betesaeda bɔ ɔwɔ Galilea ne berɛ, na besele ye kyɛ, “Yɛ mene, yɛpena kyɛ yɛnwu Yesu.”

Asomafoɛ 12:20

Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

Asomafoɛ 27:3

Aleɛ hyene ne, yɛɛgyinane Sidon. Yulio yɛle Pɔɔlo paa paa. Ɔmane ye ate maa ɔhɔle ye damvo mɔ berɛ oolele nningyein kãa bɔ okohia ɔ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;