Mateo 10:5 - AHYERƐLƐ KRONGRON

⁵ Sɔ mmenia buru ne nyɔ nemɔ yeɛ Yesu somane bɛ ɔ, na ɔfale ahyɛdeɛ mane bɛ kyɛ, “Nnɛma ɛmɔkɔ Amaenmaensofoɛ nemɔ berɛ, yeɛ nnɛma ɛmɔkɔ Samariafoɛ kuro biala so;

Mateo 10:5 Iomraidhean Croise

Mateo 22:3

Na ɔsomane ye somvoɛ mɔ kyɛ bɛɛfrɛfrɛ bɛ bɔ wato ye sa wafrɛ bɛ kyɛ bɛbra atɔmvorɛ ne abo ne, nakoso bambene so kyɛ bɛkɔwa ɔ.

Mateo 4:15

“Sebulɔn aseɛ ne Nafetali aseɛ, bɔ ɔwɔ ɛpo atee ne aso dɔ, wɔ Yɔɔdan si, Galilea bɔ ɔte Amaenmaensofoɛ aseɛ;

Marko 6:7

Ɔfrɛle asuafoɛ buru ne nyɔ ne maa bɛwale ye nwo berɛ, na ɔhyɛle ye bo ɔsomane bɛ nyɔ nyɔ, na ɔmane bɛ sunzummɔne mɔ so tumi.

Luka 10:1

Na ɛhemɔ asi ne, Awurade yele mmenia aburasoo bieku, na ɔsomane bɛ nyɔ nyɔ maa belili ye nyunu moa bɛhɔle nguro biala ne nekaa biala bɔ ye bɔbɔ ɔbaahɔ berɛ ɔ so.

Luka 10:33

Nakoso Samarianiɛ bie, bɔ né otu atee ɔ oofitele nekaa bɔ ɔwɔ ne, na onwuni ye ne, ɔyɛle ye anwumvo.

Luka 17:16

na ɔfale ye nyunu butuli ase wɔ Yesu gya bo lale ye ase. Né ye de, ɔte Samarianiɛ.

Luka 9:1

Yesu frɛle asuafoɛ buru ne nyɔ ne maa beeyiale, na ɔmane bɛ sunzummɔne amukoraa ne anwonyerɛsalɛ so tumi ne anwoserɛ.

Luka 9:2

Afei ɔsomane bɛ kyɛ bɛɛbɔ Nyameɛ ahennie ne nwo dawure, ná bɛsa anwonyerɛ.

Yohane 17:18

Na kyɛbɔ ɛsomane me wɔ wiase ne, sɔ ala yeɛ me koso masoma bɛ wɔ wiase ɔ.

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 4:20

Yɛ nana mɔ bɛsɔnene wɔ bokaa he aso; na ɛmɔ de, ɛmɔnwa Yerusalem ole nekaa bɔ odi kyɛ yɛsɔne ɔ.”

Yohane 4:5

Na oodwuli Samaria kuro bie bɔ bɛfrɛ ye Sikare so. Opingye aseɛ bɔ Yakob fa mane ɔwa Yosef ne.

Yohane 4:9

Na Samarianiɛ braa ne sele ye kyɛ, “Ɛte Yudaniɛ, yeɛ me koso nde Samarianiɛ brasua, osi sɛɛ bɔ ɛsrɛ me dɔ nzue bɔ ɛkɔno ɔ?” Ɔhane sɔ, ofikyɛ né Yudafoɛ bɛ ne Samariafoɛ bɛnga.

Yohane 7:35

Yeɛ Yudafoɛ nemɔ sisele bɛ nwo kyɛ, “Nisua yeɛ biaa he ɔbaahɔ bɔ yɛngonwu ye ɔ? Ɔbaahɔ bɛ bɔ babɔ aya bahɔ Helafoɛ mɔ nu ne berɛ ɔkɔyɛ ngyerɛkyerɛ kyire Helafoɛ anaa?

Yohane 8:48

Yeɛ Yudafoɛ nemɔ buale ye kyɛ, “Aso nna nahorɛ yeɛ yahã ne anaa, kyɛ ɛte Samarianiɛ na ele sunzummɔne?”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 10:45

Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!