Mateo 10:42 - AHYERƐLƐ KRONGRON

⁴² Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

Mateo 10:42 Iomraidhean Croise

1 Ahemvo 17:11

Braa ne sili nu bɔ ɔkwaasa nzue ne pɛ, Elia frɛle ye, na osele kyɛ, “Fa aleɛ kãa boka so brɛ me.”

2 Ahemvo 4:10

Mesrɛ wɔ, sua bɔ yasamo so ne, maa yɛsi sua kaaba ko yɛsie so yɛma ye, ná yɛfa mba, ɛpoen, bia ne kanea yɛsiesie nu, amaa mmerɛ biala bɔ ɔkɔwa yɛ wa ne, né waala nu.”

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 24:14

Nwu ye kyɛ, sɔ ala yeɛ nworɛ te ma wɔ kra ɔ, sɛ enwu ye a, ekonya so mvasoɛ kyẽa bie, na w’anyelasoɛ ne bo ngɔpɛ.

Nworɛ Dwirɛhanɛniɛ 11:1

Gyi wɔ paanoo gua nzue nye, na kyẽa bie wɔ sa kɔhã ye.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:14

Sɔ ala yeɛ ɛmɔ Baba bɔ ɔwɔ nyameɛso ne, onguro kyɛ ngwadaa hemɔ nu ko po komini ɔ.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Luka 17:2

Ahaa ɔte paa ma ye kyɛ bɛkɔfa nyɔboɛ bɔ bɛfa beti aburoo bekosinze ye kɔme, ná bagyi ye bato ɛpo nu, tra kyɛ ɔkɔto ngwadaammaa hemɔ anu ko sundidua ɔ.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.