Mateo 10:40 - AHYERƐLƐ KRONGRON

⁴⁰ “Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Mateo 10:40 Iomraidhean Croise

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

Yeremia 39:17

Nakoso ngɔpepɛ ngole wɔ sɔ kyẽa ne, na bɛngɔfa wɔ bengowura mmenia bɔ esuro bɛ nemɔ sa, AWURADE noa dwirɛ ɛne.

Mateo 18:5

Na ebiala bɔ okole akwadaa bɔ ɔte kyɛ he kɔto nu wɔ me dumaa nu nen, né wale me wato nu.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Marko 9:37

“Ebiala bɔ okole ngwadaa sɔa mɔ bɛ nu ko kɔto nu wɔ me dumaa nu nen, né wale me wato nu; yeɛ ebiala bɔ okole me kɔto nu nen, nna me yeɛ wale me wato nu ɔ, na mmom wale bɔ ɔsomane me ne wato nu.”

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 9:48

na osele bɛ kyɛ, “Ebiala bɔ okole akwadaa he kɔto nu me dumaa nu nen, né wale me wato nu; yeɛ ebiala bɔ okole me kɔto nu nen, né wale bɔ ɔsomane me ne wato nu. Ofikyɛ, bɔ ɔte kãa paa wɔ ɛmɔ amukoraa bɛ nu ne, ye yeɛ ɔte titire paa ɔ.”

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

Galatiafoɛ 4:14

Ɔwɔ nu kyɛ m’anwonyerɛ ne yɛle nzɔhwɛ mane ɛmɔ, nakoso ɛmɔammu me animtia, yeɛ ɛmɔambo me; na mmom ɛmɔlele me nyemene so kyɛ nyameɛso abɔfo, kyɛ ɛmɔkɔyɛ Kristo Yesu ne ala.

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.

2 Yohane 1:9

Sona biala bɔ onni Kristo ngyerɛkyerɛ so ná mmom ɔfa bie bata ye nwo ne, ɔnze Nyameɛ. Nakoso sona biala bɔ odi Kristo ngyerɛkyerɛ so ne, ɔse Baba ne ne Baa ne.