Mateo 10:33 - AHYERƐLƐ KRONGRON

³³ Nakoso ebiala bɔ ɔkɔpo me wɔ mmenia nyunu ne, me koso ngɔpo ye me Baba bɔ ɔwɔ nyameɛso ne nyunu.

Mateo 10:33 Iomraidhean Croise

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Marko 14:30

Na Yesu sele ye kyɛ, “Nahorɛ nu, mekã mekyire wɔ kyɛ, ɛnɛ kɔngɔen ye, kyɛ akɔ bɔ pɛen nyɔ ne, né aha ye pɛen nza kyɛ ɛnze me.”

Marko 14:72

Na berɛ ne ala, akɔ bɔle ye pɛen nyɔ so. Na Petro kayele edwirɛ bɔ Yesu hã hyirele ye ne, kyɛ, “Kyɛ akɔ bɔ pɛen nyɔ ne, né ahã ye pɛen nza kyɛ ɛnze me.” Na otikyele esuɛ nu.

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Luka 12:9

Nakoso bɔ ɔkɔpo me mmenia nyunu ne de, me koso ngɔpo ye Nyameɛ abɔfo mɔ nyunu.

Luka 22:57

Nakoso ɔsale kyɛ, “Mmobraa, menze ye oo!”

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

2 Timoteo 2:12

sɛ yɛmia yɛ nye yɛtindim a, yɛne ye koli hene koso; sɛ yɛpo ye a, ye koso ɔkɔpo yɛ;

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

1 Yohane 2:23

Sona biala bɔ onne Baa ne ndo nu ne, onne Baba ne koso ndo nu, nakoso ebiala bɔ ode Baa ne to nu ne, ode Baba ne koso to nu.