Mateo 10:32 - AHYERƐLƐ KRONGRON

³² “Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Mateo 10:32 Iomraidhean Croise

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.