Mateo 10:30 - AHYERƐLƐ KRONGRON

³⁰ Nakoso ɛmɔ de, ɛmɔ ti nwiaa po baha ye mukoraa.

Mateo 10:30 Iomraidhean Croise

2 Samuel 14:11

Na braa ne sele kyɛ, “Nana, fa AWURADE wɔ Nyameɛ ta ndaen, bɔ ɔnate so wereɛtɔlɛniɛ ne ɔngɔhã mogya ko ngogua ɔ, amaa ɔnate so mma ne anya ye ti wadidi nu.” Na Dawide sele kyɛ, “Kyɛ AWURADE te ase ye, ɛwa ne, ye ti nwiaa ko po ngotu ngɔtɔ ase.”

1 Ahemvo 1:52

Yeɛ Solomon buale kyɛ, “Sɛ okyire suban paa de a, ye de bɛngɔpɛ ye ti nwiaa ko po bɛngɔto ase. Nakoso sɛ ɔyɔ nikyee bɔ ɔtte mayee de a, ngɔmaa bekohu ye.”

Luka 12:7

Ɛmɔ ti nwiaa po baha ye mukoraa. Yiti nnɛma ɛmɔsuro, na ɛmɔ nwo hia tra ngatipire pee!”

Luka 21:18

nakoso ɛmɔ ti nwiaa nu ko po ongomini.

Asomafoɛ 27:34

Yiti mesrɛ ɛmɔ, ɛmɔdidi kãa ná ɛmɔnya anwoserɛ, ɔnate kyɛ ɛmɔ nu biala ti nwiaa ko po ngotu ngomini.”

1 Samuel 14:45

Na koɛhonɛfoɛ nemɔ sele Sɔɔlo kyɛ, “Yonatan bɔ wali ngonim kandinga he wama Yisrael ye, yiti odi kyɛ beku ye anaa? Nyameɛ pa gua! Kyɛ AWURADE te ase ye, ye ti nwiaa ko po ngotu ngɔtɔ ase, ofikyɛ Nyameɛ yeɛ wagyina ye si maa wali ngonim ɛnɛ ɔ.” Yiti koɛhonɛfoɛ nemɔ pepɛ lele Yonatan maa onyane ye ti didili nu.