Mateo 10:3 - AHYERƐLƐ KRONGRON

³ Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 10:3 Iomraidhean Croise

Mateo 18:17

Na sɛ wandie bɛ koso a, kɔhã kyire asɔre ne. Na sɛ wandie asɔre ne koso a, ye de bu ye kyɛ bosoensolɛniɛ ne ɛtoɔdidelɛniɛ.

Mateo 27:56

né Maria Magdalene, Maria bɔ ye mma ole Yakobo ne Yosef, yeɛ Sebedeo mma nemɔ bɛ maame boka bɛ so.

Mateo 9:9

Yesu fili berɛ bɔ ɔpɛ nu kɔ nen, onwuni biaa bie bɔ bɛfrɛ ye Mateo kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Marko 15:40

Né mmrasua biemɔ koso begyigyi nziɛ nziɛ bɛnea; na né Maria Magdalene, Maria bɔ ye mma ole Yakobo kãa ne Yose, yeɛ afei Salome boka bɛ so.

Marko 2:14

Na ɔpɛ nu kɔ nen, onwuni Alfeo awa Lewi kyɛ ɔte nekaa bɔ bedide ɛtoɔ ɔ, na osele ye kyɛ, “Di me si.” Na odwɔsole lili ye si.

Marko 3:18

yeɛ Andrea, Filipo, Batolomeo, Mateo, Tɔmase, Alfeo awa Yakobo, Tadeo ne Kanaanniɛ Simɔn;

Luka 18:10

“Mmenia nyɔ hɔle asɔneyɛɛ sua nu bɛɛbɔle mbaeɛ; ko te Farasiiniɛ, yeɛ ko wora ɔte ɛtoɔdidelɛniɛ.

Luka 18:11

Na Farasiiniɛ ne gyinane berɛ bɔle mbaeɛ ye ti anu kyɛ, ‘O Nyameɛ, meda wɔ ase kyɛ me de, nnde kyɛ mmenia ngaa ne ɔ: apoobɔlɛfoɛ, ngondombofoɛ, agyaasɛkyelɛfoɛ, anaakyɛ ɛtoɔdidelɛniɛ he po.

Luka 18:13

“Nakoso ɛtoɔdidelɛniɛ ne de, oogyinane nziɛ nziɛ, na wanguro kyɛ ɔkɔma ye nye so kɔnea nyameɛso po ɔ, na mmom ɔfale ye sa guale ye ahone so hane kyɛ, ‘O Nyameɛ, nde bɔnefoɛ, na nwu me anwumvoin!’

Luka 19:2

Na yieee, né biaa bie bɔ ye dumaa li Sakeo ɔ ɔwɔ berɛ, bɔ ɔte ɛtoɔdidelɛniɛ panyi bɔ ye sa nu le bie ɔ.

Luka 5:27

Na ɛhe asi ne, ofitele, na onwuni ɛtoɔdidelɛniɛ bie bɔ ye dumaa li Lewi kyɛ ɔte nekaa bɔ bedide ɛtoɔ ɔ, na osele ye kyɛ, “Di me si!”

Yohane 1:48

Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.”

Yohane 11:16

Yeɛ Tɔmase bɔ bɛfrɛ ye Ata ne, osele ye mmango asuafoɛ nemɔ kyɛ, “Ɛmɔma yɛ koso yɛhɔ bie, ná yɛne ye yɛɛwu!”

Yohane 14:22

Yeɛ Yudase (nna Yiskariote ɔ) bisale ye kyɛ, “Awurade, nzu ati yeɛ ɛbaaye wɔ nwo ali ekyire yɛ, na ɛnye ngyire wiase ɔ?”

Yohane 14:5

Yeɛ Tɔmase bisale ye kyɛ, “Awurade, yɛnze nekaa bɔ ɛ́kɔ ɔ; na ɔkɔyɛ sɛɛ né yahora yanwu atee ne?”

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 21:2

Né Simɔn Petro, Tɔmase bɔ bɛfrɛ ye Ata ne, Nataneɛl bɔ ofi Kana bɔ ɔwɔ Galilea, Sebedeo mma nemɔ, yeɛ ye asuafoɛ nemɔ anu nyɔ bɛwɔ neka horɛ.

Asomafoɛ 1:13

Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 15:13

Bɛ noa pene ne, Yakobo buale kyɛ, “Aliɛmaa mɔ, ɛmɔyɛ asoɛ betie me!

Asomafoɛ 21:18

Aleɛ hyene ne, Pɔɔlo ne yɛ hɔle Yakobo awuro, na yɛɛtole asɔre mbanyi ne amu berɛ.

Galatiafoɛ 1:19

Nakoso mannwu asomafoɛ ne anu biala, sana Awurade aliɛma Yakobo.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.