Mateo 10:28 - AHYERƐLƐ KRONGRON

²⁸ Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Mateo 10:28 Iomraidhean Croise

2 Ahemvo 17:39

na mmom odi kyɛ ɛmɔsɔne AWURADE ɛmɔ Nyameɛ, na okole ɛmɔ kofi ɛmɔ pɔfoɛ amukoraa bɛ sa nu.”

YOB NWOMAA NE 37:24

Ye sɔ ne ati, adasa suro ye, na ebiala bɔ obu ye nwo kyɛ ɔse nworɛ ne, Nyameɛ mva ye nyɛ huu.”

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Nworɛ Dwirɛhanɛniɛ 5:7

Ɛkye laleɛ pee a, né wɔ dwudwolɛ mbaen mbaen asone pee, nakoso suro Nyameɛ.

Yesaya 51:12

“Me, me yeɛ mekyekye ɛmɔ wora ɔ, na wɔ, nzikyɛ sona ole wɔ, bɔ esuro kuro sona bɔ owu ɔ, ɔne sona awa bɔ bɛyɔle ye kyɛ ndire ɔ;

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Mateo 10:26

“Yiti nnɛma ɛmɔsuro bɛ, ofikyɛ nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Yohane 5:29

na bekofite bɛkɔwa, na bɛ bɔ bayɔ bɔ ɔte paa ne, bɛkɔhɔ ngoa ewutingyelɛ nu; nakoso bɛ bɔ bayɔ bɔne ne de, bɛkɔhɔ ndɛenbualɛ ewutingyelɛ nu.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

Hebrifoɛ 11:35

Mmrasua sa hane b’awufoɛ bɔ batingye bafi ewue nu ɔ. Ebiemɔ koso bɛhyɛle bɛ anyeborolɛ behuni bɛ, nakoso bambene kyɛ bekonya bɛ nwo bɛkɔtete ɔ, amaa ɔnate so banya ewutingyelɛ paa ne.

Yakobo 4:12

Mmeraahyɛlɛniɛ ne ndɛenbualɛniɛ komapɛ yeɛ ɔwɔ berɛ ɔ; ye ole bɔ ɔkora ode ngoa ná ɔsɛkye ne. Yiti wɔ ole nwa bɔ ebua ebiɛngo ndɛen ɔ?

1 Petro 3:14

Nakoso sɛ tenenee ti ɛmɔnwu amaneɛ a, ɔte saleɛ ma ɛmɔ. Nnɛmɔma bɛ nwo suronyi tɔ ɛmɔ so, yeɛ nnɛmɔma ɛmɔ kunu tete ɛmɔ;

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.