Mateo 10:24 - AHYERƐLƐ KRONGRON

²⁴ “Suaniɛ ndra ye kyerɛkyerɛniɛ, yeɛ akoaa ndra ye mene.

Mateo 10:24 Iomraidhean Croise

2 Samuel 11:11

Na Yuria buale Dawide kyɛ, “Me mene, Nyameɛ alaka ne ɔne Yisrael ne Yuda koɛhonɛfoɛ bɛwɔ asese nu, yeɛ me mene Yoabo ne wɔ somvoɛ mɔ koso bakyekye asikyeleɛ wɔ eburo. Aso ngɔhora ngɔhɔ awuro ngoodidi ngɔno, ná me ne me ye yala anaa? Nana, mesrɛ meta wɔ ndaen kyɛ, sɔ nikyee de, mengɔyɔ.”

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Luka 6:40

Suaniɛ ndra ye kyerɛkyerɛniɛ, nakoso ebiala bɔ bahyire ye nikyee maa wanwu ye yé ne, ɔkɔyɛ kyɛ ye kyerɛkyerɛniɛ ala.

Yohane 13:16

Nahorɛ nu paa, mekã mekyire ɛmɔ kyɛ, akoaa ndra ye mene; yeɛ somafoɛ ndra bɔ ɔsomane ye ne.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.