Mateo 10:23 - AHYERƐLƐ KRONGRON

²³ Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Mateo 10:23 Iomraidhean Croise

Yeremia 26:21

Na mmerɛ bɔ Nana Yehoakim, ɔne ye katakyie mɔ amukoraa ne ye mbanyi amukoraa, bɛtele ye dwirɛ bɔ ɔhane nen, ɛhene ne yɛle ye adwene kyɛ okohu ye. Nakoso Yuria tele ye sɔ nen, né osuro, yiti ɔnwatili hɔle Misraim.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 23:36

Nahorɛ nu, mekã mekyire ɛmɔ kyɛ, ɛhemɔ amukoraa nwo asotwe kɔwa ɛnɛmmafoɛ so!

Mateo 24:27

Na kyɛbɔ agralaa tete fi eyia afiteleɛ, ná ɔta kodwu eyia atɔleɛ ne, sɔ ala yeɛ Sona Awa ne walɛ ne koso ɔkɔyɛ ɔ.

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 24:34

Nahorɛ nu, mekã mekyire ɛmɔ kyɛ, aworɛ ndoatoasoɛ he ngɔpɛ nu, sana ɛhemɔ amukoraa bawa nu koraka.

Mateo 24:48

Nakoso sɛ akoaa bɔnefoɛ ne de, ɔkã ye wɔ ye ti anu kyɛ, ‘Me mene kɔhyɛ koraka ná wawa,’

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Mateo 4:12

Yesu tele kyɛ bafa Yohane bato kuku nu nen, ofili Galilea.

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Luka 18:8

Na mekã mekyire ɛmɔ kyɛ, okoli bɛ dwirɛ kɔma bɛ ndɛndɛ. Nakoso, Sona Awa ne ba a, aso okonwu gyidie wɔ aseɛ ye aso?”

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Yohane 7:1

Na ɛhemɔ asi ne, Yesu hyinini Galilea; wanguro kyɛ ɔkɔhɔ Yudea, ofikyɛ né Yudafoɛ nemɔ bɛpena ye beku ye.

Asomafoɛ 17:10

Na aleɛ sane pɛ, aliɛmaa nemɔ mane Pɔɔlo ne Silase bɛhɔle Bɛrea. Beedwuli ne, bɛhɔle Yudafoɛ nyianu sua nu.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Asomafoɛ 20:1

Nziɛ ye bɔ basabasa ne noa dwole ase ne, Pɔɔlo frɛle agyidifoɛ nemɔ maa beyiale; otuli bɛ foɛ na ɔne bɛ lili ngraa, na afei ɔhɔle Makedonia.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.