Mateo 10:22 - AHYERƐLƐ KRONGRON

²² Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 10:22 Iomraidhean Croise

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Mateo 10:39

Ebiala bɔ okonya ye ngoa ne, ɔkɔhwere ye; na ebiala bɔ me ti ye ngoa kofi ye sa ne, okonya ye.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 5:11

“Ɛmɔanya saleɛ, wɔ mmerɛ bɔ ɔnate me ti mmenia pepɛ ɛmɔ nzoaa, bɛtane ɛmɔ nye, ná bɛpɛ ngondombo bɛkeka edwirɛ tɛɛ ahoroɔ bɛto ɛmɔ so ɔ.

Marko 13:13

Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Luka 21:17

Na ɔnate me dumaa ti, mmenia mukoraa bɛkɔpɔ ɛmɔ;

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Yohane 7:7

Wiase ngora mbɔ ɛmɔ, nakoso me yeɛ ɔpɔ me ɔ, ofikyɛ medi adanzeɛ kyɛ ye yɔleɛ te bɔne.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

2 Korintofoɛ 4:11

Ofikyɛ mmerɛ bɔ yɛte ase ye de, ɔnate Yesu ti daa biala bɛma ewue di yɛ mvanvando, amaa ɔnate so Yesu ngoa ne koso ala ali wɔ yɛ nwonaen bɔ owu ne anu.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 6:11

Na yɛpena kyɛ ɛmɔ nu biala kɔ so bɔ mmɔden sɔ ala kɔ ayieleɛ, amaa ɛmɔ sa ahã bɔ ɛmɔ nye la so ne.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Yohane 3:13

Aliɛmaa mɔ, sɛ ewiase pɔ ɛmɔ a, nnɛmɔma ɔyɛ ɛmɔ nwanwa.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:26

Na bɔ odi ngonim, ɔne bɔ ɔsɔ me nnwumaa nu kodwu ayieleɛ ne, ngɔma ye maen maen mɔ so tumi;

Nyekyire 2:3

Mese kyɛ anya animia paa, na ɔnate me dumaa ti anwu amaneɛ, nakoso w’abasa nu mmu.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.