Mateo 10:20 - AHYERƐLƐ KRONGRON

²⁰ Ɔnate kyɛ, nna ɛmɔ yeɛ ɛmɔdwudwo ɔ, na mmom ɛmɔ Baba Sunzum ne yeɛ ɔfa ɛmɔ so dwudwo ɔ.

Mateo 10:20 Iomraidhean Croise

2 Samuel 23:2

AWURADE Sunzum fa me so dwudwo, ye noa dwirɛ wɔ me temverema so.

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Mateo 6:32

Ofikyɛ ewiasefoɛ yeɛ bedi ɛhemɔ amukoraa si ɔ. Na ɛmɔ Baba bɔ ɔwɔ nyameɛso ne, ɔse kyɛ ɛmɔhia ɛhemɔ amukoraa.

Marko 12:36

Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Luka 12:12

ɔnate kyɛ Sunzum Krongron ne kohyirehyire ɛmɔ sɔ mmerɛ ne ala nu bɔ odi kyɛ ɛmɔkã ɔ.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Asomafoɛ 13:9

Na Sɔɔlo, bɔ besa bɛfrɛ ye Pɔɔlo, bɔ Sunzum Krongron ayi ye tɛkyɛ ne, ɔneane ngonyaayelɛniɛ ne haa,

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Asomafoɛ 4:8

Na Petro bɔ Sunzum Krongron ayi ye tɛkyɛ ne, obuale bɛ kyɛ, “Maen atitirefoɛ ne mbanyi mɔ,

Asomafoɛ 6:10

Nakoso bangora bangyina nworɛ ne sunzum bɔ Setefano fa dwudwole ne noa.

2 Korintofoɛ 13:3

Ofikyɛ ɛmɔpena adanzeɛ bɔ okyire kyɛ Kristo yeɛ ɔfa me so dwudwo ɔ. Kristo nyɛ mmerɛ wɔ ɛmɔ so, na mmom ye tumi yɔ adwuma wɔ ɛmɔ nu.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.