Mateo 10:2 - AHYERƐLƐ KRONGRON

² Asuafoɛ buru ne nyɔ nemɔ bɛ dumaa ɛhe: Bɔ oli moa, Simɔn bɔ bɛfrɛ ye Petro, yeɛ oliɛma Andrea; Yakobo bɔ ye baba ole Sebedeo ne, yeɛ oliɛma Yohane.

Mateo 10:2 Iomraidhean Croise

Mateo 17:1

Na ye elesia asi ne, Yesu fale Petro ne Yakobo ne oliɛma Yohane bokale ye nwo so, na ɔfale bɛ hɔle bokaa tendenn bie aso.

Mateo 20:20

Yeɛ Sebedeo mma mmienzua nemɔ bɛ maame, ɔne ye mma nemɔ bɛwale Yesu berɛ, na oguale ndwerɛ srɛle ye kyɛ ɔlo ye.

Mateo 26:37

Na ɔfale Petro ne Sebedeo mma nyɔ nemɔ ɔbokale ye nwo so, na aworabɔlɛ ne ahunundetelɛ hyɛle ye bo tɔle ye so.

Mateo 4:18

Né Yesu nate Galilea mboanoa, na onwuni aliɛmaa nyɔ bɔ bɛ ole Simɔn bɔ bɛfrɛ ye Petro, ɔne oliɛma Andrea kyɛ begua asawu ɛpo nu ɔ, ofikyɛ né bɛte mmenia bɔ bɛkɔ po ɔ.

Mateo 4:21

Ɔhɔle moa kãa nen, onwuni aliɛmaa nyɔ bieku, bɔ bɛ ole Sebedeo awa Yakobo ɔne oliɛma Yohane, kyɛ bɛ ne bɛ baba Sebedeo bɛte ɛlɛen nu bɛpomba b’asawu ɔ. Na ɔfrɛle bɛ.

Marko 1:29

Befili nyianu sua ne anu befitele pɛ, bɛ ne Yakobo ne Yohane bɛhɔle Simɔn ne Andrea awuro.

Marko 13:3

Né Yesu te Olive Bokaa ne aso, wɔ asɔneyɛɛ sua ne ndendeneɛ so; na Petro, Yakobo, Yohane ne Andrea bebisale ye ahameɛ kyɛ,

Marko 6:30

Asomafoɛ nemɔ sa wale Yesu berɛ, na bɛhane bɔ bayɔ ne bɔ bahyirehyire amukoraa behyirele ye.

Luka 11:49

Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Luka 22:14

Na mmerɛ ne dwuli nen, ɔɔtenane poen nwo, na né asomafoɛ nemɔ bɛboka ye so.

Luka 22:8

Na Yesu somane Petro ne Yohane kyɛ, “Ɛmɔhɔ beesiesie Abɔtra aleɛ ne bɛma yɛ, ná yɛɛli.”

Luka 5:10

na sɔ ala yeɛ Sebedeo mma Yakobo ne Yohane bɔ bɛ ne Simɔn bɛyɔ adwuma bɛbɔ nu ne koso bɛ nwo yɛle bɛ ɔ. Na Yesu sele Simɔn kyɛ, “Nnɛsuro; ofi ɛnɛ bɔ ɔkɔ ɔ, mmenia yeɛ ɛkɔhwehwe bɛ kɔbrɛ me ɔ.”

Luka 9:10

Na asomafoɛ nemɔ sa wale nen, bɛfale bɔ baayɔ amukoraa nwo amaneɛ bɛbɔle Yesu. Na Yesu fale bɛ ɔne bɛ beewurale nekaa bie dinn wɔ kuro bɔ oli Betesaeda nwo berɛ.

Yohane 12:22

Filipo hɔle ɔɔhã hyirele Andrea, na Andrea ne Filipo bɛɛbɔle Yesu amaneɛ.

Yohane 13:23

Na asuafoɛ nemɔ anu ko bɔ Yesu kuro ye dwirɛ paa ne, né watena wakisa Yesu.

Yohane 20:2

Yiti otuli amirika wale Simɔn Petro ne suaniɛ ko ne bɔ Yesu kuro ye dwirɛ paa ne berɛ, na osele bɛ kyɛ, “Baye Awurade bafi asieleɛ ne anu bahɔ, na yɛnze nekaa bɔ bafa ye baato ɔ.”

Yohane 21:2

Né Simɔn Petro, Tɔmase bɔ bɛfrɛ ye Ata ne, Nataneɛl bɔ ofi Kana bɔ ɔwɔ Galilea, Sebedeo mma nemɔ, yeɛ ye asuafoɛ nemɔ anu nyɔ bɛwɔ neka horɛ.

Yohane 21:20

Yeɛ Petro pɛle ye nye, na onwuni suaniɛ bɔ Yesu kuro ye dwirɛ paa ne kyɛ oli bɛ si. Sɔ suaniɛ ne yeɛ ɔtena kisale ye wɔ adidie ne abo, ná obisale kyɛ, “Awurade, nwa yeɛ ɔbaaye wɔ ma ne?”

Yohane 21:24

Ɛhe ole suaniɛ bɔ odi ɛhemɔ nwo adanzeɛ ɔ, na ye yeɛ wahyerɛ ɛhemɔ ɔ, na yɛse kyɛ ye adanzeɛ ne te nahorɛ.

Yohane 6:67

Yiti Yesu bisale mmenia buru ne nyɔ ne kyɛ, “Ɛmɔ koso, ɛmɔpena kyɛ ɛmɔkɔ bie anaa?”

Yohane 6:70

Na Yesu buale bɛ kyɛ, “Aso nna me yeɛ maneanea nu maye ɛmɔ, mmenia buru ne nyɔ ye ɔ? Nakoso, aso ɛmɔ nu ko ɔtte abɔnzam?”

Yohane 6:71

Né ɔne Yudase Yiskariote, Simɔn awa ne; ofikyɛ ye yeɛ né ɔbaaye ye ma ɔ, nakoso né ɔte asuafoɛ buru ne nyɔ nemɔ anu ko.

Yohane 6:8

Na ye asuafoɛ nemɔ nu ko bɔ oli Andrea, Simɔn Petro aliɛma ne, osele ye kyɛ,

Asomafoɛ 1:13

Bedwuli kuro ne anu ne, bɛhɔle sua bie anu wɔ aborɔsaen so; na berɛ yeɛ né Petro, Yohane, Yakobo ne Andrea, Filipo ne Tɔmase, Batolomeo ne Mateo, Alfeo awa Yakobo, Simɔn Selote, yeɛ Yakobo awa Yudase bɛte ɔ.

Asomafoɛ 1:26

Beguale bɛ munyɔ bɛ so serewa, na serewa ne yele Matiase; na bɛfale ye bɛbokale asomafoɛ buru ne ko ne aso.

Asomafoɛ 12:2

Ɔfale ngrandɛ huni Yohane aliɛma Yakobo.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

1 Korintofoɛ 15:7

Ɛhe asi ye, ɔyele ye nwo ali hyirele Yakobo, na afei asomafoɛ ne amukoraa benwuni ye.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

1 Petro 1:1

Petro, Yesu Kristo somafoɛ, méfa mebrɛ bɛ bɔ babɔ aya bahɔ Ponto, Galatia, Kapadokia, Asia ne Bitinia,

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

2 Yohane 1:1

Krataa he fi me bɔ nde panyi berɛ. Mefa mebrɛ braa bɔ baneanea nu baye ye ne ɔne ye mma. Mekuro bɛ dwirɛ nahorɛ nu, na nna me ngome, na mmom mmenia mukoraa bɔ banwu nahorɛ ne wora bekuro bɛ dwirɛ,

3 Yohane 1:1

Krataa ye fi me bɔ nde panyi berɛ. Mefa mebrɛ Gayɔso bɔ mekuro ye dwirɛ wɔ nahorɛ nu ɔ.

Nyekyire 1:1

Ɛhe te Yesu Kristo nwo aliyelɛ bɔ Nyameɛ fa mane ye kyɛ ɔla ye ali hyire ye ngoaa mɔ ma benwu edwirɛ mɔ bɔ odi kyɛ bɛba nu ndɛndɛ ɔ; na ɔsomane ye abɔfo maa ɔɔye hyirele ye akoaa Yohane,

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”

Nyekyire 22:8

Na me, Yohane, yeɛ nwuni nningyein hemɔ, ná ndele ɔ. Na ndele ná nwuni ye nen, mmutuli berɛ wɔ abɔfo bɔ ohyirele me sɔ nningyein hemɔ ne ye gya bo kyɛ mesɔne ye.