Mateo 10:17 - AHYERƐLƐ KRONGRON

¹⁷ Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 10:17 Iomraidhean Croise

Mika 7:5

Nnɛma ɛmɔde abiɛngoɛ bedi, yeɛ nnɛma ɛmɔfa ɛmɔ wora bewura adamvoa nu. Ɛye bɔ ɔla wɔ kunu ne, ye po nea yé wɔ ngɔmɔ bɔ ɛne ye bedi ɔ nwo.

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Mateo 20:19

na bɛkɔfa ye bekowura Amaenmaensofoɛ sa kyɛ bɛgoro ye nwo, ná befi ye mbire, ná bɛbɔ ye mmeamudua nu; na ye ɛlɛsa ne aso okotingye.”

Mateo 23:34

Yiti, ɛ́mɔtie, mésoma ngɔmhyɛlɛfoɛ ne nworɛfoɛ ne ahyerɛlɛfoɛ maa bɛba ɛmɔ berɛ, na ɛmɔkohũ bɛ nu biemɔ bɛkɔbɔ bɛ mmeamudua nu, yeɛ ɛmɔkofi bɛ nu biemɔ mbire wɔ ɛmɔ nyianu sua mɔ nu, ná ɛmɔatane bɛ nye bafi kuro so bahɔ kuro so.

Mateo 26:59

Na asɔfo mbanyi nemɔ ne badwafoɛ ne amukoraa bɛpenane edwirɛ bɔ bɛkɔfa bekoli Yesu nwo adanzewia ɔ, amaa ɔnate so banya ye bahu ye;

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Marko 13:12

Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ, ná bamaa bahu bɛ.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Yohane 11:47

Yiti asɔfo mbanyi ne Farasiifoɛ nemɔ bɛmane badwafoɛ nemɔ beyiale, na bɛhane kyɛ, “Nzikyɛ yeɛ odi kyɛ yɛyɔ ɔ? Ofikyɛ sɔ biaa ne ɔyɔ nzɛngyerɛnneɛ pee.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 17:14

Na berɛ ne ala agyidifoɛ ne guale Pɔɔlo ate maa ɔhɔle mboanoa, nakoso Silase ne Timoteo de, bɛhale Bɛrea.

Asomafoɛ 22:19

Na me koso mmuale kyɛ, ‘Awurade, bɛse ye pefee kyɛ ngɔngyekyele bɛ bɔ bede wɔ bedi ne nguale kuku nu, na mmole bɛ wɔ nyianu sua biala nu.

Asomafoɛ 26:11

Ndaa ndwene bɛ so wɔ nyianu sua biala nu, na mmɔle mmɔden kyɛ ngɔhyɛ bɛ maa bɛkɔpa bɛ gyidie si ɔ. Me nye borole bɛ so paa maa afei de po ndanene bɛ nye alaa ngondwuli amanvrafoɛ nguro so.

Asomafoɛ 9:2

ɔɔsrɛle ye berɛ tumi krataa, bɔ ɔkɔfa kɔhɔ Damasko nyianu sua nemɔ nu, kyɛbɔ ɔkɔyɛ na onwu ebiala bɔ ɔnate Awurade nwo gyidie atee so a, bienzua oo, brasua oo, wahora wahye ye, ná wafa ye wawa Yerusalem.

Filipifoɛ 3:2

Ɛ́mɔnea ɛmɔ nwo yé wɔ ngyea nemɔ nwo; ɛ́mɔnea ɛmɔ nwo yé wɔ adwumayɔlɛfoɛ bɔnefoɛ nemɔ nwo, ɛ́mɔnea ɛmɔ nwo yé wɔ bienzuapɛlɛfoɛ nemɔ ne.

2 Timoteo 4:15

Wɔ koso nea wɔ nwo yé wɔ ye nwo, ofikyɛ ɔho tiale yɛ dwirɛ ne anyeborolɛ so.

Hebrifoɛ 11:36

Beguale ebiemɔ nyunu ase, na besa befini bɛ mbire, yeɛ ebiemɔ wora bɛbɔle bɛ panwu bɛfale bɛ beguale kuku nu.