Mateo 10:16 - AHYERƐLƐ KRONGRON

¹⁶ “Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 10:16 Iomraidhean Croise

Gyenesise 3:1

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

Nehemia 4:13

Yiti fasue ne nekaa bɔ ɔwɔ ase ne, ye si dɔ, nekaa bɔ ndokuro lela nu ne, mmane mmenia beegyinane dɔ mmusua mmusua bɔ né betiratira bɛ ngrandɛ, bɛ pealɛɛ ne b’agyaen ɔ.

Yeremia 40:16

Nakoso Ahikam awa Gedalia buale Karea awa Yohanan kyɛ, “Nnɛyɔ sɔ nikyee ne, ofikyɛ bɔ ɛkã fa Yismael nwo ne, ɔtte nahorɛ.”

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Mateo 24:25

Ɛ́mɔtie! Mali moa mahã mahyire ɛmɔ dada.

Mateo 24:45

“Na nwa koraa ole akoaa nahorɛniɛ ne nworɛniɛ, bɔ ye mene afa ye awuro berɛ ngoaa mɔ wawura ye sa, kyɛ ɔma bɛ aleɛ wɔ mmerɛ bɔ ɔsɛ ɔ nu ɔ?

Mateo 25:2

Bɛ nu nnu te nworɛfoɛ, yeɛ nnu wora bɛte ngwaseafoɛ.

Mateo 25:4

Nakoso nworɛfoɛ nemɔ de, bɛfale ngoo beguale ndowaa nu bɛbokale bɛ nganea nemɔ aso.

Mateo 25:9

Nakoso nworɛfoɛ nemɔ buale kyɛ, ‘Daabi oo, ɔngɔso yɛ ne ɛmɔ; yiti ɛmɔhɔ bɛ bɔ bɛtɔne bie nemɔ dɔ bɛɛtɔ ɛmɔ deɛ.’

Luka 10:3

Ɛmɔhɔ! Ɛ́mɔtie, mésoma ɛmɔ kyɛ mmoaen mmaa ma ɛmɔkɔ mbataku nu.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 11:14

Na ɔnyɛ nwanwa! Ofikyɛ Abɔnzam po kakyi ye nwo kyɛ nahorɛ abɔfo.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 8:20

Yɛmbena kyɛ ebiala nya yɛ nwo dwirɛ tɛɛ kã fa sɔ adɔeɛ nningyein bɔ yɛnea so ye nwo.

Filipifoɛ 2:15

amaa ɛmɔayɛ mmenia bɔ edwirɛ nne bɛ nwo bɔ bɛ nwo sonn, Nyameɛ mma bɔ ngekalewa biala nne ɛmɔ nwo wɔ bɔnefoɛ maen bɔ bali makyebu, bɔ ɛmɔta wɔ bɛ nu kyɛ kanea bɔ ɔwɔ wiase,

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Tɛsalonikafoɛ 2:10

Ɛmɔdi adanzeɛ, Nyameɛ koso sɔ ala, kyɛ yɛ suban bɔ yɛyele ye ali yɛhyirele ɛmɔ bɔ bɛte agyidifoɛ ne, ɔte krongron, ye nwo te, na ngekalewa biala nne ye nwo.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.