Mateo 10:14 - AHYERƐLƐ KRONGRON

¹⁴ Na sɛ ebiala ngole ɛmɔ anaa ongotie ɛmɔ dwirɛ a, ye de sɛ ɛmɔfi awuro anaa kuro ne aso bɛ́kɔ a, ɛ́mɔporoporo ɛmɔ gya bo mvuture bégua berɛ.

Mateo 10:14 Iomraidhean Croise

Nehemia 5:13

Asa koso, esikaa abɔsoɛ bɔ ɔbɔ m’ataadeɛ ne anu ne, nye mboroporole nu. Na ngane kyɛ, “Ebiala bɔ wanni bɔhyɛ he aso ne, Nyameɛ ole ye sua ne ye agyapadeɛ ofi ye sa nu. Sɔaa yeɛ okole b’agyapadeɛ kofi bɛ sa nu maa bɛkɔbɔ hwea ɔ.” Yeɛ maen ne amukoraa sele kyɛ, “Yɛde yɛto nu”, na bɛyele AWURADE ayɛ. Na maen ne yɛle nikyee biala kyɛbɔ bahyɛ bɔ ne ala.

Mateo 10:13

Sɛ awuro berɛ ama bede ɛmɔ nyemene so a, ɛ́mɔma ɛmɔ asomdwee ne ɔbra awuro ne aso; nakoso sɛ banne ɛmɔ nyemene so de a, ye de ɛ́mɔma ɛmɔ asomdwee ne osa bra ɛmɔ berɛ.

Mateo 18:5

Na ebiala bɔ okole akwadaa bɔ ɔte kyɛ he kɔto nu wɔ me dumaa nu nen, né wale me wato nu.”

Marko 6:11

Na nekaa biala bɔ berɛ ama bengole ɛmɔ, anaa bengotie ɛmɔ dwirɛ nen, sɛ ɛmɔfi berɛ bɛkɔ a, ɛ́mɔporoporo ɛmɔ gya bo mvuture bégua berɛ ma ɔyɛ adanzeɛ hyire bɛ.”

Marko 9:37

“Ebiala bɔ okole ngwadaa sɔa mɔ bɛ nu ko kɔto nu wɔ me dumaa nu nen, né wale me wato nu; yeɛ ebiala bɔ okole me kɔto nu nen, nna me yeɛ wale me wato nu ɔ, na mmom wale bɔ ɔsomane me ne wato nu.”

Luka 9:48

na osele bɛ kyɛ, “Ebiala bɔ okole akwadaa he kɔto nu me dumaa nu nen, né wale me wato nu; yeɛ ebiala bɔ okole me kɔto nu nen, né wale bɔ ɔsomane me ne wato nu. Ofikyɛ, bɔ ɔte kãa paa wɔ ɛmɔ amukoraa bɛ nu ne, ye yeɛ ɔte titire paa ɔ.”

Luka 9:5

Na nekaa bɔ berɛ ama bengole ɛmɔ ne, sɛ ɛmɔfi kuro berɛ bɛ́kɔ a, ɛ́mɔporoporo ɛmɔ gya bo mvuture bégua berɛ ma ɔyɛ adanzeɛ hyire bɛ.”

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Asomafoɛ 13:51

Na asomafoɛ nyɔ ne poroporole bɛ gya kunu mvuture beguale berɛ betiale bɛ, na besili nu bɛhɔle Yikoniom.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

1 Tɛsalonikafoɛ 4:8

Yiti ebiala bɔ ɔpo ngyerɛkyerɛ he nen, nna kuro sona yeɛ ɔpo ye ɔ, na mmom Nyameɛ bɔ wafa ye Sunzum Krongron ne wama yɛ ne.