Mateo 10:1 - AHYERƐLƐ KRONGRON

¹ Ɔfrɛle ye asuafoɛ buru ne nyɔ ne maa beyiale, na ɔmane bɛ sunzummɔne mɔ so tumi bɔ bɛkɔfa bekotutu bɛ ɔ, ɔne tumi bɔ bɛkɔfa bɛkɔsa anwonyerɛ ne anwommerɛlɛ amukoraa ɔ.

Mateo 10:1 Iomraidhean Croise

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Mateo 26:20

Na odwuli nɔsoa nen, ɔne asuafoɛ buru ne nyɔ nemɔ bɛtenane ase kyɛ bedidi.

Mateo 26:47

Na Yesu gu so bɔ odwudwo nen, Yudase bɔ ɔte asuafoɛ buru ne nyɔ nemɔ anu ko ne, ɔwale. Na né ɛlɔen bɔ betiratira ngrandɛ ne mmopura, bɔ befi asɔfo mbanyi ne maen mbanyi mɔ berɛ ɔ bɛboka ye so.

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Mateo 9:35

Yesu hɔle nguro ne nguraa ne amukoraa so aporɔ yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba, na ɔsale anwonyerɛ ne anwommerɛlɛ amukoraa.

Mateo 9:38

Yiti ɛ́mɔsrɛ nnɔbaeɛtelɛ Mene ne, ná ɔma adwumayɔlɛfoɛ bɛbra ye nnɔbaeɛtelɛ adwuma ne anu.”

Luka 10:19

Ɛ́mɔtie, mama ɛmɔ tumi kyɛ ɛ́mɔtiatia ewoo mɔ ne anyanyangyeleɛ mɔ so, ɔne pɔfoɛ ne tumi amukoraa so; bɔ nikyee fee ngɔhora ngɔyɛ ɛmɔ ɔ.

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

Luka 24:49

Na ɛ́mɔtie, ngɔsoma me Baba bɔhyɛ ne maa ɔkɔwa ɛmɔ so; nakoso ɔsɛ kyɛ ɛmɔnwondɛ wɔ Yerusalem kuro ye anu, kodwu mmerɛ bɔ bɛkɔma ɛmɔ anwoserɛ bekofi anwuro ɔ.”

Luka 6:13

Aleɛ hyene ne, ɔfrɛle ye asuafoɛ nemɔ maa bɛwale, na ɔyele bɛ nu buru ne nyɔ, bɔ ɔfrɛle bɛ asomafoɛ ɔ:

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Yohane 6:70

Na Yesu buale bɛ kyɛ, “Aso nna me yeɛ maneanea nu maye ɛmɔ, mmenia buru ne nyɔ ye ɔ? Nakoso, aso ɛmɔ nu ko ɔtte abɔnzam?”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 19:15

Nakoso sunzummɔne ne buale bɛ kyɛ, “Mese Yesu, yeɛ mese Pɔɔlo; na ɛmɔ koso, nwa ole ɛmɔ?”

Nyekyire 12:1

Na sɛngyerɛnneɛ piri bie lale ye nwo ali wɔ nyameɛso: Braa bie bɔ wafa eyia wahera, bɔ ye gya gyigyi ɛsraen so, ná nzramaa buru ne nyɔ abotire bobɔ ye ti ɔ.