Mateo 1:25 - AHYERƐLƐ KRONGRON

²⁵ Nakoso Yosef ne ye banna maa odwuli kyɛ ɔwole bamuɛbaa bienzua ɔ, na Yosef tole ye dumaa Yesu.

Mateo 1:25 Iomraidhean Croise

2 Samuel 6:23

Na Sɔɔlo awa Mikal wanwo ba le ɔfa hɔle wue.

1 Ahemvo 1:4

Né taluwa ne anwo yɛ nyemene paa. Ɔɔyɛle Nana Dawide somvoɛ ɔsole ye, nakoso Nana Dawide wamva ye nwo wanga ye le.

Ɛksadɔso 13:2

“Tu bamuɛbaa mukoraa sie berɛ ma me; ebiala bɔ okoli moa kofi koɛsɛen nu kɔwa wɔ Yisraelfoɛ nu ne, sona oo, ayɛmmoa oo, ɔte me deɛ.”

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 1:24

Na Yosef tingyele fili nnaa nu ne, ɔyɔle bɔ Awurade abɔfo ne hyɛle ye kyɛ ɔyɔ ne, na ɔɔfale ɔye ne wale awuro.

Luka 1:31

Na tie, ɛkɔnwonzɛ, ná awo baa bienzua, ná ato ye dumaa Yesu.

Luka 2:21

Na odwuli ɛlɛbɔtwɛ bɔ né bɛbaapɛ ye bienzua ne, bɛtole ye dumaa Yesu, dumaa bɔ abɔfo ne fa tole ye koraka yeɛ bɛnwonzɛ ye ne.

Luka 2:7

Ɔwole ye bamuɛbaa bienzua, na ɔfale ɛtena kyekyele ye nwo, na ɔfale ye tole alaka bɔ nyɛmmoa didi nu ɔ nu, ɔnate kyɛ bannya ɛwɔfoɛ sua banzikye nu.

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.