Mateo 1:21 - AHYERƐLƐ KRONGRON

²¹ Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 1:21 Iomraidhean Croise

Gyenesise 17:19

Nakoso Nyameɛ sele kyɛ, “Daabi, ɛye Sara kɔwo baa bienzua kɔma wɔ, na ɛkɔto ye dumaa Yisake. Me ne ye yɛkɔyɛ m’apam maa ɔkɔyɛ apam afebɔɔ kɔma ye boso ama.

Gyenesise 17:21

Nakoso m’apam ne de, Yisake bɔ afoɛ bieku bekye sɔa ala né ɛne Sara bawo ye ne, yeɛ me ne ye yɛkɔyɛ ɔ.”

Gyenesise 18:10

Na ɔhane kyɛ, “Nahorɛ nu, kyɛ nza mmra wɔ wa afoɛ bieku bekye sɔa ala ne, né ɛye Sara anya baa bienzua.” Na né Sara gyi ye si dɔ wɔ ɛtena sua ne anoa nu ótie.

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 33:16

Sɔ ngyẽa nemɔ anu, Yuda konya ye ti kodidi nu, na Yerusalem kɔtena asomdwee nu. Na dumaa bɔ bɛkɔfa bɛkɔfrɛ ye ole, ‘AWURADE Yɛ Tenenee.’

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 1:25

Nakoso Yosef ne ye banna maa odwuli kyɛ ɔwole bamuɛbaa bienzua ɔ, na Yosef tole ye dumaa Yesu.

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:31

Na tie, ɛkɔnwonzɛ, ná awo baa bienzua, ná ato ye dumaa Yesu.

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 2:21

Na odwuli ɛlɛbɔtwɛ bɔ né bɛbaapɛ ye bienzua ne, bɛtole ye dumaa Yesu, dumaa bɔ abɔfo ne fa tole ye koraka yeɛ bɛnwonzɛ ye ne.

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 4:42

Na besele braa ne kyɛ, “Afei de, nna wɔ noa dwirɛ ne ati yeɛ ɔmaa yɛde yɛdi ɔ, na mmom yɛ bɔbɔ yate, na yanwu kyɛ amba, ye ole ewiase Ngoadefoɛ ne.”

Asomafoɛ 13:23

Sɔ biaa he, ye bosofoɛ nu yeɛ Nyameɛ yele Yisrael Ngoadefoɛ Yesu, kyɛbɔ ye bɔhyɛ te ne.

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 4:12

Na ngoalelɛ nne ebiala nu; ofikyɛ dumaa biala nne nyameɛso bo bɔ bafa bama wɔ adasa mmaa nu bɔ ɔsɛ kyɛ bede yɛ ngoa wɔ nu ɔ.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

1 Yohane 3:5

Ɛmɔse kyɛ ɔwale kyɛ ɔbaasoa yɛ bɔne kɔ; na ye de bɔne nne ye nwo.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Maenbulɛfoɛ 13:3

AWURADE abɔfo yele ye nwo ali hyirele braa ne, ná osele braa ne kyɛ, “Ɔwɔ nu kyɛ ɛte mmotaen bɔ ɛwwole baa le ɔ, nakoso ɛkɔnwonzɛ kɔwo baa bienzua.

1 Samuel 1:20

Hana nwonzɛle, na mmerɛ ne sone ne, ɔwole baa bienzua, na ɔtole ye dumaa Samuel, ofikyɛ ɔhane kyɛ, “Nzrɛle ye mvili AWURADE berɛ.”