Mateo 1:20 - AHYERƐLƐ KRONGRON

²⁰ Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 1:20 Iomraidhean Croise

Gyenesise 31:11

Laleɛ ne anu, Nyameɛ abɔfo frɛle me kyɛ, ‘Yakob.’ Na nzurole kyɛ, ‘Me ɛhe!’

Gyenesise 46:3

Na osele kyɛ, “Me ole Nyameɛ, wɔ baba ye Nyameɛ, nnɛsuro kyɛ ɛkɔhɔ Misraim, ofikyɛ ngɔma wɔ bosofoɛ kɔyɛ maen kandinga wɔ dɔ.”

1 Ahemvo 17:13

Yeɛ Elia sele braa ne kyɛ, “Nnɛsuro, wɔ de kɔyɔ kyɛbɔ ahã ne ala, nakoso di moa fa esam ne bie yɔ taterɛ kãa brɛ me, na afei ayɔ bie ɛne ɛwa ne bali.

1 Ahemvo 3:5

Gibeon berɛ, AWURADE yele ye nwo ali hyirele Solomon kɔngɔen wɔ laleɛ nu. Na Nyameɛ sele kyɛ, “Bisa bɔ ekuro ɔ maa nyɔ mma wɔ.”

Edwein 119:125

Wɔ somvoɛ ole me; ma me nimdeɛ, amaa ɔnate so manwu wɔ noa dwirɛ ne.

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Edwein 94:19

Sɛ adwenedwene pee tɔ me so a, w’aworakyekyerɛ ma me kra nye gye.

Anyandera 12:5

Teneneeniɛ ye ti anu adwene te paa, nakoso bɔnefoɛ foɛtulɛ de, ɔte nnakannaka.

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 7:13

Yeɛ Yesaya sele kyɛ, “O Dawide awuro ama, ɛ́mɔtie! Ɛmɔnwa nzɛ ɔte edwirɛ baa kyɛ ɛmɔma ɛmɔ nwo yɛ mmenia ahi, bɔ yeɛ ɛmɔama ɛmɔ nwo ayɛ me Nyameɛ koso ahi ye?

Yesaya 7:2

Na bɛbɔle Dawide awuro ama mɔ amaneɛ kyɛ, “Siria ne Efraim bayɛ apam” nen, Yuda hene Ahase ne ye mmenia bɛ nwo wosole bɛ tɛtɛtɛtɛ kyɛ ɛhɔayeɛ nu mmakaa bɔ mvrama woso bɛ ɔ.

Yeremia 31:22

Ao baa brasua bɔ ayɛ lɔen ɔ, w’adwene kɔyɛ wɔ ndaa ndaa maa okoodwu kyinzu? Ofikyɛ AWURADE abɔ nikyee foforɛ wɔ aseɛ so. Brasua kɔbɔ bienzua nwo waen.”

Yeremia 33:26

ahaa ye de ngɔpo Yakob ne me somvoɛ Dawide bɛ boso ama, bɔ mengɔneanea nu mengɔye ye boso ama nemɔ anu ko maa ongoli hene wɔ Abraham, Yisake ne Yakob bɛ boso ama so ɔ. Ofikyɛ ngosa ngɔfa bɛ ngofi nnurehyelɛ nu ngɔwa, na ngonwu bɛ anwumvoin.”

Yeremia 40:9

Gedalia bɔ ye baba ole Ahikam, bɔ ye baba ole Safan ne, ɔtale ndaen hyirele bɛ ne bɛ koɛhonɛfoɛ nemɔ kyɛ, “Nnɛma ɛmɔsuro kyɛ ɛmɔkɔso Kaldeafoɛ nemɔ ɔ. Ɛ́mɔtena aseɛ ye aso, ná ɛ́mɔso Babilɔn hene, na okoyie ɛmɔ yé.”

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Mateo 1:18

Kyɛbɔ besi bɛwole Yesu Kristo nwo dwirɛ ɛhe: Bɛfale oni Maria bɛbɔle Yosef asiwa. Wangɔ agyaa bo, na benwuni kyɛ ɔnate Sunzum Krongron so ɔnwonzɛ.

Mateo 2:12

Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 2:22

Nakoso Yosef tele kyɛ Arkelao yeɛ wali ɔse Herode bia wayɛ Yudea hene nen, osurole kyɛ ɔkɔhɔ berɛ ɔ. Nyameɛ ye hyirele ye wɔ laleɛ nu, yiti ɔhɔle Galilea manzini nu.

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 2:4

Na Yosef koso, ofili Nasarɛte bɔ ɔwɔ Galilea sili nu hɔle Dawide kuro Betlehem bɔ ɔwɔ Yudea, ɔnate kyɛ né ofi Dawide awuro ne ye abusua nu.

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Nyekyire 19:7

Ɛ́mɔma yɛ nye gye ná yɛli ahurusi, ná yɛhyɛ ye animnyam, ofikyɛ Boaen Ba n’atɔmvorɛfalɛ ne wadwu, na ɔye ne asiesie ye nwo wayie.

Maenbulɛfoɛ 13:3

AWURADE abɔfo yele ye nwo ali hyirele braa ne, ná osele braa ne kyɛ, “Ɔwɔ nu kyɛ ɛte mmotaen bɔ ɛwwole baa le ɔ, nakoso ɛkɔnwonzɛ kɔwo baa bienzua.