Marko 9:50 - AHYERƐLƐ KRONGRON

⁵⁰ Ngyee te paa; nakoso sɛ ngyee nu fɛɛ tu a, ɔkɔyɛ sɛɛ né ɛmɔawura ye ngyee bieku? Ɛ́mɔma ngyee ɔtena ɛmɔ nu, ná ɛmɔ ne ɛmɔ mmango bɛ́tena asomdwee nu.”

Marko 9:50 Iomraidhean Croise

YOB NWOMAA NE 6:6

Aleɛ bɔ ɔte bitaa ne, ngyee nne nu a, aso bedi a odi? Kyiremvua si fufue ne, aso ɔyɛ fɛ?

Edwein 133:1

Nea kyɛbɔ osi te paa ná ɔyɛ nyemene ɔ, kyɛ aliɛmaa mɔ bɛkɔtena bɛkɔyɛ ko ɔ!

Edwein 34:14

Twe wɔ nwo fi bɔne nwo, ná yɔ bɔ ɔte paa ɔ, pena asomdwee si atee, na fa bɔ wɔ bra.

Hesekiel 43:24

fa bɛ bra AWURADE nyunu maa asɔfo nemɔ bɛfa ngyee bɛpete bɛ nwo, ná bɛfa bɛ bɛbɔ naen yeralɛ afɔleɛ bɛma AWURADE.

Mateo 5:13

“Ɛmɔte aseɛ ye aso ngyee. Nakoso sɛ ngyee nu fɛɛ tu a, nzikyɛ yeɛ bɛkɔfa bekowura ye maa okosa kɔkakyi ngyee ɔ? Bɛfa bɛyɔ hwee a ɔnyɛ yee ko, sana begyi begua maa mmenia tiatia so.

Marko 9:34

Na bɛyɛle dinn, ofikyɛ atunu dɔ, né besu bɛ nwo aporowaa kyɛ bɛ nu nwa yeɛ ɔte titire paa ɔ.

Marko 9:49

Ofikyɛ bɛkɔfa see bekowura sona biala ngyee. [Yeɛ bɛkɔfa ngyee bekowura afɔleɛ mukoraa.]

Romanfoɛ 12:18

Sɛ ɛmɔkɔhora a, ɛmɔ bue nu de, ɛmɔ ne ebiala bɛ́tena asomdwee nu.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

1 Tɛsalonikafoɛ 5:13

na ɔnate b’adwuma ti ɛ́mɔfa anidie paa ne ɔdɔ bɛ́ma bɛ. Ɛ́mɔtena asomdwee nu.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.