Marko 9:32 - AHYERƐLƐ KRONGRON

³² Na bande sɔ dwirɛ ne abo, nakoso né besuro kyɛ bekobisa ye ɔ.

Marko 9:32 Iomraidhean Croise

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Marko 7:18

Na osele bɛ kyɛ, “Ɛmɔ koso, ɛmɔ ndeaseɛ wɔ dede sɔa? Aso ɛmɔnze kyɛ nikyee biala bɔ ofi sona nwo ná ɔkɔ ye nu ne, ɔngora ngua ye nwo fiɛ ɔ?

Marko 8:33

Nakoso Yesu kakyili ye nwo neane ye asuafoɛ nemɔ, na ohwili Petro nyunu sele kyɛ, “Dwɔso berɛ kɔ dɔ, Abɔnzam! Ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Marko 9:10

Yiti bɛmane edwirɛ ne hale bɛ ti anu, na bebisabisale bɛ nwo kyɛ: “Awufoɛ nu dwɔsolɛ ne, ye bo kyire sɛɛ koraa?”

Luka 18:34

Nakoso bɛ de, bande edwirɛ hemɔ nu biala bo; né ɔbo b’adwene so, na bɔ ɔhane ne po, né bɛnze nikye horɛ.

Luka 2:50

Nakoso bɛ de, bande edwirɛ bɔ ɔhã hyirele bɛ ne abo.

Luka 24:45

Afei obukyele b’adwene nu maa bɛtele Ahyerɛlɛ ne abo.

Luka 9:45

Nakoso bande sɔ dwirɛ ne abo. Né bafa ye ndeaseɛ ne bafea bɛ kyɛbɔ bengonwu ye ɔ; na né besuro kyɛ bekobisa ye sɔ dwirɛ ne ɔ.

Yohane 12:16

Na ye asuafoɛ nemɔ bande ɛhemɔ bo sɔ mmerɛ ne; nakoso nziɛ ye bɔ Nyameɛ hyɛle Yesu animnyam ne, yeɛ afei bɛkayele kyɛ bahyerɛ ɛhemɔ bafa ye nwo, na bayɔ sɔ bama ye koso.

Yohane 16:19

Yeɛ Yesu nwuni kyɛ bɛpena kyɛ bebisa ye dwirɛ, yiti osele bɛ kyɛ, “Ɛhe nwo yeɛ ɛmɔbisabisa ɛmɔ nwo ye, kyɛ mahã kyɛ: ‘Waha kãa bie né ɛmɔnnwu me ko; yeɛ afei waha kãa bie ɛmɔkonwu me.’

Yohane 4:27

Sɔ mmerɛ ne ala yeɛ ye asuafoɛ nemɔ bɛwale ɔ, na ɔyɛle bɛ nwanwa kyɛ ɔne braa ne bedwudwo ɔ, nakoso ebiala ammisa kyɛ, “Ɛpena nzu?” Anaakyɛ, “Nzu ati yeɛ ɛne ye bedwudwo ɔ?”