Marko 9:3 - AHYERƐLƐ KRONGRON

³ Ye ataadeɛ yɛle fufue hyɛnn, bɔ sona biala bɔ ɔpo nningyein wɔ aseɛ ye aso ɔ ɔngɔhora ngɔpo ma ɔngɔyɛ hyɛnn sɔ ɔ.

Marko 9:3 Iomraidhean Croise

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Edwein 68:14

Mmerɛ bɔ Ɛdangama bɔle ahemvo mɔ sandene wɔ berɛ ne, ɔyɛle kyɛ asukɔtwea wɔ Salmon bokaa so.

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Mateo 28:3

Né ye nwo ta te kyɛ agralaa, na ye ataadeɛ ne te fufue kyɛ asukɔtwea.

Marko 9:4

Na Elia ne Mose bɛyele bɛ nwo ali behyirele bɛ, bɔ né bɛ ne Yesu bedwudwo.

Luka 9:29

Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Nyekyire 19:18

ná ɛmɔɔli ahemvo mɔ naen, safohene mɔ naen, katakyie mɔ naen, mbɔngɔ ne mbɔngɔhanɛfoɛ mɔ naen, mmenia mukoraa, nnehyeɛ ne nganga, kwahweabaa mɔ ne atitire mɔ bɛ naen.”

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.