Marko 9:29 - AHYERƐLƐ KRONGRON

²⁹ Na obuale bɛ kyɛ, “Sɔ nikyee he de, nikye fee ngora ye tu, sana mbaeɛ [ne ɛhɔenhyelɛ.”]

Marko 9:29 Iomraidhean Croise

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 17:21

Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Marko 9:28

Na Yesu hɔle awuro nen, ye asuafoɛ nemɔ bisale ye ahameɛ kyɛ, “Nzu ati yeɛ yɛ de yangora yandu ye ɔ?”

Marko 9:30

Befili berɛ nen, bɛɛpɛle nu Galilea, na Yesu anguro kyɛ ebiala kɔte ye nga ɔ;

Luka 11:26

Afei ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne.”

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

1 Korintofoɛ 9:27

Na mmom mehyɛ me nipadua ne anyeborolɛ maa odi yealɛ, ama nzɛmba bɔ mekã mekyire amanvoɛ ye, me bɔbɔ mambɛ me nwo manhwere nu saleɛ.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

2 Korintofoɛ 12:8

Ɔnate ɛhe ati, nzrɛle Awurade pɛen nza kyɛ ɔye sɔ nikyee ne fi me so.

2 Korintofoɛ 6:5

ɛbolɛ nu, kuku nu nnaa nu, basabasayɛlɛ nu, ɛfɛɛ nu, ɛpɛsilɛ nu, ɛhɔen hunɛ nu;

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Yakobo 5:15

Gyidie mbaeɛ kole yarefoɛ ne ngoa, na Awurade kɔpagya ye; na sɛ wayɔ bɔne a, ɔkɔfa kɔhyɛ ye.