Marko 9:25 - AHYERƐLƐ KRONGRON

²⁵ Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Marko 9:25 Iomraidhean Croise

Sakaria 3:2

Yeɛ AWURADE sele Satan kyɛ, “Wɔ, Satan, AWURADE ohwi wɔ nyunu! AWURADE bɔ waneanea nu waye Yerusalem ne, ohwi wɔ nyunu! Ɛhe, aso nna gyetia bɔ baye bafi see nu ɔ?”

Mateo 12:22

Yeɛ mmenia biemɔ fale biaa bie bɔ sunzummɔne wɔ ye so ná osa te anyesiniwaaniɛ ne emumu ɔ bɛbrɛle Yesu. Na ɔsale biaa ne anwonyerɛ maa ɔhora dwudwole, na osa nwuni nikye.

Mateo 17:18

Yeɛ Yesu teateane sunzummɔne ne, na ofili ye nu fitele, na akwadaa ne tele apɔ berɛ ne ala.

Marko 9:15

Na ɛlɔen ne amukoraa nwuni ye nen, berɛ ne ala, bɛ nwo dwirili bɛ paa, na betuli amirika bɛɛyɛle ye akwaaba.

Marko 9:24

Na berɛ ne ala, akwadaa ne baba teane nu sele kyɛ, “Mede medi, na boka me ma me gyidie nyi.”

Marko 9:26

Na sunzum ne teane nu, ɔmane akwadaa ne senzene kyeinn, na ofili ye nu fitele. Na akwadaa ne dwole dinn kyɛ sona bɔ wawu ɔ, maa mmeni pee hane kyɛ, “Wawu.”

Luka 11:14

Ɛlɛho bie, né Yesu otu sunzummɔne bie bɔ ɔte mumu ɔ. Na ɔwale kyɛ sunzummɔne ne tu fili ye nu nen, emumu ne dwudwole, na ɔyɛle ɛlɔen ne nwanwa.

Luka 4:35

Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.

Luka 8:29

Ofikyɛ né wahyɛ sunzummɔne ne kyɛ ofi biaa ne anu fite. (Mmerɛ pee né ɔte pe ye so a, begua ye ngɔnzɔngɔnzɔ bɛbɔ ye panwu bɛwɛne ye, nakoso ɔtetele bɔ bafa bakyekye ye ne anu, na sunzummɔne ne foa ye kɔ ɛserɛ so.)

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Yuda 1:9

Nakoso mmerɛ bɔ abɔfo panyi Mikayɛl ne abɔnzam bɛpereperele Mose fuin nwo ne, Mikayɛl anzi ye hue wanga dwirɛ wandia ye wammua ye ndɛen, na mmom ɔhane kyɛ, “Awurade hwi wɔ nyunu!”