Marko 9:24 - AHYERƐLƐ KRONGRON

²⁴ Na berɛ ne ala, akwadaa ne baba teane nu sele kyɛ, “Mede medi, na boka me ma me gyidie nyi.”

Marko 9:24 Iomraidhean Croise

2 Samuel 16:12

Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”

2 Ahemvo 20:5

“Sa wɔ si kɔhã kyire Hesekia bɔ odi hene wɔ me mmenia so ne kyɛ, AWURADE wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛte ne. Nahorɛ nu, ngɔsa wɔ anwonyerɛ na ɛlɛsa ne aso, ɛkɔhɔ AWURADE asɔneyɛɛ sua nu berɛ.

Edwein 126:5

Bɛ bɔ bele ɛmoen bedua nningyein ne, bele anigye yeɛ bɛkɔte ɔ.

Edwein 39:12

“Ao AWURADE, tie me mbaeɛ, ná tie me sufrɛ; nnɛye wɔ nye fi me moenporolɛ ne anwo; ofikyɛ nde kyɛ wɔ wɔfoɛ bɔ ɔngɔhyɛ ɔ, nde amanvraniɛ kyɛ me nana mɔ amukoraa.

Yeremia 14:17

“Yiti kã sɔ dwirɛ he kyire bɛ: ‘Ma me nye ɔporo moen kɔngɔen ne eyia, nnɛma ye bo pɛ; ofikyɛ me maen awa brasua ababunu ne, babɔ ye bato ase buramm; bapura ye piri paa.

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”

Luka 17:5

Na asomafoɛ nemɔ sele Awurade kyɛ, “Ma yɛ gyidie onyi!”

Luka 7:38

na oogyinane Yesu si wɔ ye gya nwo berɛ, osuni, na ɔhyɛle ye bo porole moen guale ye gya so, ɔfale ye ti nwiaa nununi, ɔfele ye gya bo, na ɔfale sakyeɛfona ne popale ye gya bo.

Luka 7:44

Na ɔkakyili ye nye hyirele braa ne dɔ nen, osele Simɔn kyɛ, “Anwu braa he? Mmale w’awuro nen, amma me nzue ma mannwunzi me gya bo, nakoso ye de, ole ye nye moen wanwunzi me gya bo, na wafa ye ti nwiaa wanunu.

Asomafoɛ 10:19

Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

2 Korintofoɛ 2:4

Mvale ahometrɛ ne aworabɔlɛ worawora nu, ɔne me nye moenporolɛ pee yeɛ ngyerɛle ɛmɔ ɔ. Manyɛ kyɛ mema ɛmɔ wora bɔ, na mmom né mepena kyɛ ɛmɔnwu kyɛ mekuro ɛmɔ dwirɛ soma.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

2 Tɛsalonika 1:11

Yiti daa yɛbɔ mbaeɛ yɛma ɛmɔ, kyɛ yɛ Nyameɛ obu ɛmɔ kyɛ ɛmɔfata ye frɛlɛ ne, ná ɔfa ye tumi so ma ɛmɔhora bɛyɔ paa biala bɔ ɛmɔpena kyɛ ɛmɔyɔ ɔ, ná ɔma ɛmɔ gyidie adwuma li mu;

2 Tɛsalonika 1:3

Aliɛmaa mɔ, ɔsɛ kyɛ ɛmɔ ti daa yɛda Nyameɛ ase kyɛbɔ ɔfata ɔ, ofikyɛ ɛmɔ gyidie kɔ so nyi mmorosoɛ, na ɔdɔ bɔ ɛmɔle ma bɛ nwo bɛ nwo ne ɔte piri.

2 Timoteo 1:4

Na mekaye wɔ nye moen ne a, ɔma me wora dɔ wɔ kyɛ ngonwu wɔ paa ɔ, ná ahaa me nye agye.

Hebrifoɛ 12:17

Na ɛmɔse kyɛ ɛhe asi ne, ohurole kyɛ ahaa okonya ɔse saleɛ ne, nakoso wamva wamma ye. Na ɔwɔ nu kyɛ ɔporole moen fa penane de, nakoso wannwu atee biala bɔ ɔfa so kakyi bɔ wayɔ ne ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.