Marko 9:20 - AHYERƐLƐ KRONGRON

²⁰ Bɛfale akwadaa ne bɛbrɛle ye. Na sunzummɔne ne nwuni Yesu pɛ, berɛ ne ala ɔmane akwadaa ne senzene, ɔpɛ fini, omunumununi ye nwo, na ye noa pɛle ahure.

Marko 9:20 Iomraidhean Croise

Marko 1:26

Na sunzummɔne ne maa ɔsenzene, ɔteane nu serɛserɛ, na ofili ye nu fitele.

Marko 9:18

na nekaa biala bɔ ɔkɔhã ye ne, ɔmaa ɔpɛ fi, ye noa pɛ ahure, ɔkwa ye gye, na ɔsenze. Nzrɛle w’asuafoɛ nemɔ kyɛ betu befi ye nu, nakoso bangora.”

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Marko 9:21

Na Yesu bisale ye baba kyɛ, “Kyinzu yeɛ anwonyerɛ he hane ye ɔ?” Na obuale kyɛ, “Ofi ye ngwadaa nu.

Marko 9:26

Na sunzum ne teane nu, ɔmane akwadaa ne senzene kyeinn, na ofili ye nu fitele. Na akwadaa ne dwole dinn kyɛ sona bɔ wawu ɔ, maa mmeni pee hane kyɛ, “Wawu.”

Luka 4:35

Nakoso teateane ye kyɛ, “Mua wɔ noa, ná fi ye nu fite!” Na sunzummɔne ne tele ye fini bɛ nu berɛ, na otu fili ye nu, bɔ wanyɔ ye hwee ɔ.

Luka 8:29

Ofikyɛ né wahyɛ sunzummɔne ne kyɛ ofi biaa ne anu fite. (Mmerɛ pee né ɔte pe ye so a, begua ye ngɔnzɔngɔnzɔ bɛbɔ ye panwu bɛwɛne ye, nakoso ɔtetele bɔ bafa bakyekye ye ne anu, na sunzummɔne ne foa ye kɔ ɛserɛ so.)

Luka 9:39

Na hmmm, sunzummɔne bie ba ye so, na ɔtea nu mvum nu, ɔmaa ɔsenze ma ye noa pɛ ahure, ɔha ye paa, na ɔkyɛ koraa né wayakyi ye.

Luka 9:42

Na ɔ́ba nen, sunzummɔne ne tele ye fini, na ɔmaa ɔsenzene. Nakoso Yesu teateane sunzummɔne ne, na ɔsale akwadaa ne anwonyerɛ, na ɔfale ye mane ye baba.

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.