Marko 9:18 - AHYERƐLƐ KRONGRON

¹⁸ na nekaa biala bɔ ɔkɔhã ye ne, ɔmaa ɔpɛ fi, ye noa pɛ ahure, ɔkwa ye gye, na ɔsenze. Nzrɛle w’asuafoɛ nemɔ kyɛ betu befi ye nu, nakoso bangora.”

Marko 9:18 Iomraidhean Croise

YOB NWOMAA NE 16:9

Okyi me, na wafɛ yaa watete me nu pasapasa, wanwose ye gye wahyire me, me pɔfoɛ ne henahena ye nye kyire me.

Edwein 112:10

Bɔnefoɛ nwu ye, na ɔyɛ ye ahi; ɔkɔnwose ye gye ná waboto; bɔ bɔnefoɛ wafa wasie ye nye so ne, ɔngɔyɛ berɛ.

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Mateo 17:16

Mvale ye mmrɛle w’asuafoɛ nemɔ, nakoso bangora banza ye anwonyerɛ.”

Mateo 8:12

Nakoso Ahennie mma nemɔ de, bekogyi bɛ bekogua nziɛ dɔ awosii nu; na berɛ yeɛ esuɛ ne agyeenwosenɛ wɔ ɔ.”

Marko 11:23

Nahorɛ nu, mekã mekyire ɛmɔ kyɛ, ebiala bɔ ɔkɔhã kohyire bokaa he kyɛ, ‘Tutu kɔtɔ ɛpo nu,’ ná wanzu aporowaa wɔ ye ahone nu, ná mmom okole koli kyɛ edwirɛ bɔ ɔkã ne kɔwa nu ne, ɔkɔyɛ berɛ kɔma ye.

Marko 9:17

Na ɛlɔen ne anu mmenia ne ko buale kyɛ, “Kyerɛkyerɛniɛ, mvale mma bienzua bɔ emumu sunzum wɔ ye so ɔ mmrɛle wɔ;

Marko 9:19

Yeɛ Yesu buale bɛ kyɛ, “O ɛnɛmmafoɛ bɔ ɛmɔlle gyidie ɔ! Me ne ɛmɔ yɛtena maa odwu kyinzu? Nya ɛmɔ nwo aboterɛ maa odwu kyinzu? Ɛ́mɔfa ye bɛbrɛ me!”

Marko 9:20

Bɛfale akwadaa ne bɛbrɛle ye. Na sunzummɔne ne nwuni Yesu pɛ, berɛ ne ala ɔmane akwadaa ne senzene, ɔpɛ fini, omunumununi ye nwo, na ye noa pɛle ahure.

Marko 9:26

Na sunzum ne teane nu, ɔmane akwadaa ne senzene kyeinn, na ofili ye nu fitele. Na akwadaa ne dwole dinn kyɛ sona bɔ wawu ɔ, maa mmeni pee hane kyɛ, “Wawu.”

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.