Marko 9:15 - AHYERƐLƐ KRONGRON

¹⁵ Na ɛlɔen ne amukoraa nwuni ye nen, berɛ ne ala, bɛ nwo dwirili bɛ paa, na betuli amirika bɛɛyɛle ye akwaaba.

Marko 9:15 Iomraidhean Croise

Ɛksadɔso 34:30

Na mmerɛ bɔ Aarɔn ne Yisraelfoɛ amukoraa nwuni Mose nen, né ye nyunu ata, na besurole kyɛ bekopingye ye ɔ.

Marko 14:33

Na ɔfale Petro, Yakobo ne Yohane bokale ye nwo so, na aworabɔlɛ ne ahunundetelɛ hyɛle ye bo tɔle ye so.

Marko 16:5

Bewurale asieleɛ ne anu ne, benwuni aberandeɛ bie bɔ owura ataadeɛ fufue tendenn kyɛ ɔte asieleɛ ne famaa so berɛ, na bɛ kunu tele bɛ.

Marko 16:6

Na osele bɛ kyɛ, “Nnɛmɔma ɛmɔ kunu te ɛmɔ. Ɛmɔpena Nasarɛteniɛ Yesu bɔ bɛbɔle ye mmeamudua nu ne. Watingye, ɔnne wa. Ɛ́mɔnea nekaa bɔ bɛfale ye bɛtole ɔ!

Marko 9:16

Na obisale ahyerɛlɛfoɛ nemɔ kyɛ, “Nzikyɛ yeɛ ɛmɔ ne bɛ besu ye nwo aporowaa ye?”

Marko 9:25

Na mmerɛ bɔ Yesu nwuni kyɛ ɛlɔen ne betutu amirika bɛba nen, ɔteane sunzummɔne ne kyɛ, “Wɔ emumu ne asotiniwaa sunzum, mehyɛ wɔ kyɛ, fi ye nu fite, na nnɛkowura ye nu ko!”