Marko 9:1 - AHYERƐLƐ KRONGRON

¹ Na Yesu sele bɛ kyɛ, “Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne kyɛ ole tumi wawa ɔ.”

Marko 9:1 Iomraidhean Croise

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 13:30

Nahorɛ nu, mekã mekyire ɛmɔ kyɛ, aworɛ ndoatoasoɛ he ngɔpɛ nu, sana ɛhemɔ amukoraa basisi koraka.

Luka 2:26

Né Sunzum Krongron aye ahyire ye kyɛ, ongonwu ewue, sana wafa ye nye wanwu Kristo bɔ ɔte Awurade deɛ ne koraka.

Luka 22:18

Na mekã mekyire ɛmɔ kyɛ, ofi ɛnɛ bɔ ɔkɔ ɔ, mengɔno bobe nzaa he ko kɔpem kyɛ Nyameɛ ahennie ne kɔwa ɔ.”

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Luka 9:27

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne koraka ɔ.”

Yohane 21:23

Na edwirɛ he trɛle aliɛmaa nemɔ anu kyɛ sɔ suaniɛ ne ongowu; nakoso Yesu anga angyire ye kyɛ ongowu, na mmom ɔhane kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu?”

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.