Marko 8:38 - AHYERƐLƐ KRONGRON

³⁸ Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Marko 8:38 Iomraidhean Croise

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Sakaria 14:5

Ɛmɔkɔnwati bɛkɔhɔ me mmokaa nemɔ bɛ bɔnza ne anu, ofikyɛ mmokaa nemɔ bɔnza ne kɔtrɛ alaa koodwu Asal. Amba, ɛmɔkɔnwati, kyɛbɔ aseɛwosolɛ maa ɛmɔnwatili wɔ Yuda hene Yusia aberɛ so ne. Na afei AWURADE me Nyameɛ kɔwa, bɔ krongronfoɛ amukoraa bɛboka ye so ɔ.

Mateo 12:39

Na obuale bɛ kyɛ, “Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana ngɔmhyɛlɛniɛ Yona deɛ ne ala.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Mateo 24:30

na afei Sona Awa ne, ye sɛngyerɛnneɛ kɔla ali wɔ ewienu; na aseɛ so mmusua kure amukoraa bɛkɔbɔ awuye, na bekonwu Sona Awa ne kyɛ ɔ́ba wɔ nyameɛso munungum nu wɔ tumi ne animnyam kandinga nu ɔ.

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Mateo 26:64

Na Yesu buale ye kyɛ, “Ye ala yeɛ ahã ne, nakoso mekã mekyire ɛmɔ kyɛ, ofi ɛnɛ bɔ ɔkɔ ɔ, ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum so ɔ!”

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Marko 13:26

Na afei mmenia konwu Sona Awa ne kyɛ ole tumi piri ne animnyam ɔ́ba wɔ munungum nu ɔ.

Marko 14:62

Na Yesu buale kyɛ, “Yoo, Me ole ye; na ɛmɔkonwu Sona Awa ne kyɛ ɔte Tumi sa famaa so, na ɔ́ba anwuro munungum nu ɔ!.”

Marko 8:37

Anaakyɛ, nzikyɛ yeɛ sona kɔhora kɔfa kɔsesã ye kra ɔ?

Luka 19:26

‘Na mekã mekyire ɛmɔ kyɛ, ebiala bɔ ole bie ne, bɛkɔfa somaa bɛkɔboka ye so; nakoso bɔ olle bie ne, bɔ ole ye ne po, bekole bekofi ye sa nu.

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Yohane 12:34

Na ɛlɔen ne buale ye kyɛ, “Yɛ de, yate yafi mmeraa ne anu kyɛ Kristo ne kɔtena ase daa; na ɔyɛle sɛɛ bɔ ɛnwa: Ɔsɛ kyɛ bɛma Sona Awa ne so ɔ? Nwa ole Sona Awa he?”

Yohane 5:27

na wama ye tumi kyɛ obua ndɛen, ɔnate kyɛ ye ole Sona Awa ne.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Deuteronomi 33:2

Ɔnwa: “AWURADE fili Sinai wale, opukyele Sɛre kyɛ eyia tale bɛ so; ɔtale hyireinn fili Paran bokaa ne aso, ɔne krongronfoɛ apee buru yeɛ bɛwale ɔ, see bɔ ogye wuronyiwuronyi wɔ ye sa famaa nu.

1 Tɛsalonikafoɛ 2:19

Na nzikyɛ yeɛ ɔte y’anyelasoɛ, anaa y’anigye, anaa yɛ ngonim abotire bɔ yɛkɔfa yɛkɔhoahoa yɛ nwo wɔ y’Awurade Yesu Kristo nyunu wɔ mmerɛ bɔ ɔkɔwa ne ɔ? Aso nna ɛmɔ ɔ?

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Timoteo 1:12

Na ɔnate ɛhe ati yeɛ menwu amaneɛ hemɔ ye, nakoso ɔnyɛ me nya; ofikyɛ mese bɔ male ye mali ne, na mede medi kyɛ ɔkora ɔbɔ bɔ mafa mawura ye sa ne nwo waen maa okoodwu Kyẽa ne.

2 Timoteo 1:16

Mesrɛ Awurade kyɛ onwu Onesiforo awuro ama anwumvoin, ofikyɛ ɔkyekyele me wora mmerɛ pee, na me ngɔnzɔngɔnzɔ ne anyɛ ye nya.

2 Timoteo 1:8

Yiti nnɛma y’Awurade adanzeɛlilɛ ne ɔyɛ wɔ nya, anaa me bɔ nde ye kukununiɛ ne me nwo yɛ wɔ nya; na mmom nya kyɛfa wɔ nzɛmba ne nwo amaneɛnwunɛ nu, kyɛbɔ Nyameɛ tumi ɔte ne.

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

1 Yohane 2:23

Sona biala bɔ onne Baa ne ndo nu ne, onne Baba ne koso ndo nu, nakoso ebiala bɔ ode Baa ne to nu ne, ode Baba ne koso to nu.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.